Каракалпак 24

2024-05-02 18:36:59 "Хазир алин кейн толен" атамасында озимиздин миллий брендимиз болган Mobishop компанияси сиз хурметли харидарлар ушин 3-4-5 май кунлери оз акциясин   жаряалайды сизди "MobiShop" та кутемиз
Маглумат ушин тел:
+998951360005
+998951370005
Манзиллеримиз: Нокис каласы “MEGA NUKUS“ сауда орайы.(1-кабат)
Нокис каласы “Орайлык Базар“ туннел жанында

Социал тармакларымыз:
                                               
Instagram | Telegram | Telegram bot

Реклама Buka / Bagaimana

2024-05-02 18:36:18 Сокращениеге түскен тараўлар ҳәм штатлар саны анық болды

@Karakalpak24 Buka / Bagaimana

2024-05-02 18:19:47 Қарақалпақстан Республикасы Жоқарғы Кеңес Баслығы III Ташкент халықаралық инвестиция форумында қатнасып атыр

Бүгин мәмлекетимиз пайтахты Ташкент қаласында III Ташкент халықаралық инвестиция форумы өткерилип атыр.

Онда дүньяның барлық материклеринен жаңадан-жаңа исенимли шериклер бир жерге жыйналып атырған болып, өткен үш жыл даўамында усы форум еки ҳәм көп тәреплеме бирге ислесиўди кеңейтиў, ең әҳмийетли машқалаларды талқылаў, алдыңғы идея ҳәм жойбарларды ислеп шығыў ушын нәтийжели пикирлесиў майданына айланды.

Бүгинги өткерилип атырған илажда да 93 мәмлекеттен еки ярым мыңнан аслам сырт елли мийманлар келгени де форумның әҳмийети барған сайын артып баратырғанлығын айқын тастыйықлайды.

Форум шеңбериндеги илажларда Қарақалпақстан Республикасы Жоқарғы Кеңесиниң Баслығы Аманбай Орынбаев та қатнасып атыр.

Ҳәзирги ўақытта Жоқарғы Кеңес Баслығы бир қатар мәмлекетлер исбилерменлери менен сөйлесиўлер алып бармақта.

Сөйлесиўлер барысында ҳүрметли Президентимиз тәрепинен қабыл етилген қарар ҳәм пәрманлар тийкарында Қарақалпақстанда исбилерменликти раўажландырыў ҳәм инвестициялық тартымлылықты арттырыў бойынша жаратылған имканиятлар ҳаққында кең түрде атап өтилди.

Ҳәзирги ўақытта бирге ислесиўлерди жолға қойыў бойынша сөйлесиўлер даўам етпекте.

@Karakalpak24 Buka / Bagaimana

2024-05-02 17:48:37 Buka / Bagaimana

2024-05-02 17:05:12 Нөкисте «пикник» шөлкемлестирсеңиз жәрийма төлеўиңиз мүмкин

Билесиз, күнлер жылып, апрель айы келиўинен баслап Нөкис қаласындағы Дослық каналы бойында «пикник» шөлкемлестириў мапазы басланып кетеди.

Бул өз гезегинде ана тәбиятымызға өз зыянын тийдирместен қалмайды. Себеби, биреўлер азықлық өнимлердиң шығындысын таслап кетсе, биреўлер өсип турған жасыл шөпти басқылап, оның қуўрап қалыўына себепши болмақта.

Социаллық тармақларда буған байланыслы видеоконтент пайда болды. Буны сиз де көриўиңиз керек деп ойлаймыз.

Видеоны «пикник» шөлкемлестириўди жобаластырып жүрген танысларыңызға жиберип қойың.

@Karakalpak24 Buka / Bagaimana

2024-05-02 16:54:22 Бүгиннен баслап протез ҳәм басқа реабилитация қураллары ушын жәрдем пул муғдары көбейди

Президенттиң 27.02.2024-жылдағы ПҚ-88-санлы қарарына тийкар 1-майдан баслап:

протез ҳәм реабилитация қуралларын сатып алыў ушын мәмлекет тәрепинен мүтәж адамларға берилетуғын пул муғдары 3 есеге, пулы қаплап берилетуғын реабилитация қуралларының түрлери 10 есеге шекем арттырылады;

майыплығы болған шахсларға протез ҳәм реабилитация қураллары қосымша ҳүжжетлерсиз бериледи;

майыплық топары болмаған пенсия жасындағы шахслардың протез ҳәм реабилитация қуралларына мүтәжлиги ҳаққындағы медициналық жуўмақ “Медициналық социаллық экспертиза” электрон мәлимлеме системасы арқалы бериледи.

@Karakalpak24 Buka / Bagaimana

2024-05-02 16:26:38 Реклама Buka / Bagaimana

2024-05-01 18:45:11 20 жыллық дем алыс: Тайсон қайтпақта!

Профессионал бокс бойынша бурынғы жәҳән чемпионы Майк Тайсон дерлик 20 жыллық дем алыстан кейин 58 жасында еки минуттан 8 раундқа мөлшерленген ринг беллесиўине таярлық көрмекте.

Усы жыл 20-июль күни “ютубшы” Жейк Полға қарсы өтетуғын бул беллесиў Тайсонның үлкен сахнаға қайтыўы сыпатында талқыланбақта.

Бул пикирди Техас бокс комиссиясы айтып өткен.

Бул беллесиў АҚШтың Арлингтон провинциясындағы “АT&T” комплексинде шөлкемлестириледи.

“Netflix” телеканалы арқалы жанлы эфирге узатылатуғын беллесиў 27 жастағы Пол ҳәм 58 жасқа толатуғын Тайсон арасындағы жас өзгешелиги себепли көргизбели тәризде уйымластырылыўы күтилген еди. Соң тәреплердиң келисимине бола, беллесиў толық профессионал бокс жарысы түринде өткерилиўи белгиленди.

@Karakalpak24 Buka / Bagaimana

2024-05-01 18:00:02 "Темир дәптер"ге кимлер киргизиледи?

Ҳүкиметтиң 250-санлы қарарына етилген "Ўақтыншалық тәртипке" тийкар, ҳәр бир сектор бойынша мәҳәллебай "Темир дәптер"ге төмендеги тайыпадағы шаңарақлар киритиледи:

социаллық жәрдемге мүтәж I ҳәм II топар майыплығы болған шаңарақлар;

кем тәмийнленген жеке-жалғанлар ҳәм кекселер;

бағыўшысынан айырылған шаңарақлар;

көп (4 ҳәм оннан артық) перзентли материаллық көмекке мүтәж шаңарақлар;

мийнетке уқыплы жумыссыз ағзалары бар болған шаңарақлар;

медициналық жәрдемге мүтәж шаңарақлар;

жарамсыз орынларда жасап атырған, өзи ямаса бирге жасаўшы шаңарақ ағзаларының атында турақ-жай болмаған шаңарақлар.

@Karakalpak24 Buka / Bagaimana

2024-05-01 17:52:14 Сокращениеге түскен тараўлар ҳәм штатлар саны анық болды

@Karakalpak24 Buka / Bagaimana