2023-01-31 20:17:26
بقانونك اشمحلا العطش من لامس الشفايف*
كشخه انزلت فوگ الترب ما چنك انته نازف*
مو عاشگ اليگول ما اشعر ابألم*
ما عايش الكمال الما مچوي بالخيم*
مات النهر وانته العدل يجري ونحسه ناشف*
بس انته عايش بالگلب غيرك فقط سوالف*
باقي..ميت كل گلب ما يشعر ابأحساسك*
باقي..كل هذ الوجود ايعيش من انفاسك*
باقي..يا كشخت علي والرمح شايل راسك*
.....................
جرحك شتل گاع العشگ بينه ونبت خظاره*
سيّر قناديل الضعن من گطعو الصحارى*
ضعنك يطش ضواه وامخجل الدرب*
يشتل خدر جريح كل ديره من يطب*
بذاك الظلام اتمايزَت عفة علي مناره*
وحشه الدرب وانته ابزغت گمريه للسهاره*
جرحك..يدلي كل غريب الما تشوف اعيونه*
جرحك..لوحه امن العشگ تارس الدنيه ابلونه*
جرحك..معبد للدموع وقبلة اليهوونه*
...........................
يا تالي كلشي واوله وغبشة نبي وحنانه*
صدرك امان الكل سهم تايه واجه الامانه*
اسهل صعب حسين من ربك انزلت*
عالطف رحت رذاذ من گالو اعطشت*
جرحك عبر كل الحقب واتعده كل زمانه*
وايموّت اسباب العطش بينه وهوى روانه*
تعتگ..واتشب ابخظار وما تموت اجروحك*
تعتگ..هاي الدنيه وانعيش ابنسايم روحك*
تعتگ..بينه اللوعه وانرد نرتوي من نوحك*
...........................
يبرد گلبنه وينچوي بيك ويرد ظميره*
بخت الله ياهو الطشره واتجّمعه الحصيره*
اكبر جرح نعيش يا سيد العطش*
من نسمعك تطيح ماكو الك نعش*
تتخوصر اختك حيره آخ ابحيرة الاميره*
لا رايه فزعت من طحت يا هيبة العشيره*
دمعه..بجفون الخيام الما تشوف اعيونك*
دمعه..يا شيبة نبي والوادم ايحوطونك*
دمعه..ليش اعله الرمح شمسوي وايشيلونك*
..........................
هنياله كلمن يحترگ بيك ويطگ جنونه*
محلاته كلمن شافك ابگلبه وبچت عيونه*
شتكفي يا دموع شيكفي يا عمر*
اجمل عشگ چفوه من الله بالظهر*
يا ريحة الله ورحمته وفيّه وعذب سكونه*
يا الطف اجروح النحس بيهه اشكثر حنونه*
عاشگ..كلمن عايش الطف وعذاب ايتامك*
عاشگ..ياهو التستدل ادموعه نار اخيامك*
عاشگ..الگاضي عمره كله من جمال ايامك*
علاء المياحي
الفاتحه لروح والدي
2.1K views17:17
ق
