مو بالشام* انتي ابكل گلب مجروح بسمچ هام* مو بالشام* يلي ابين ا | قناه الشاعر علاء المياحي

مو بالشام*
انتي ابكل گلب مجروح بسمچ هام*
مو بالشام*
يلي ابين الولايات خدرچ صام*
ومو انتي الغريبه*
الغربه عاشتهه الدروب المو رزقها تضوگ ضلچ*
والدموع الما تملچ*
بالمسافات التقدس اثر رجلچ*
يلي خدرچ فاتح اشراعين وايغطي الاماكن*
وفرفح اشلون الحمامه*
شما سهم صياد شامت لو يعاين*
وچان ساكن*
بطولچ النازف عفاف بكثر شهگات اليتامه*
ويه كل نگلة رجل تنبت شهامه*
ومن دخلتي الشام تيّه كل كلامه*
وكل سلفهم*
يشوف دمعاتچ حلمهم*
وگام يتنرفز المهم*
وصار جرحچ يقرا ايات السلام*
وبيچ شافو نبي وامراية امام*
مو بالشام*
انتي بكل گلب مجروح بسمچ هام*


علاء المياحي
الفاتحه لروح والدي