2024-06-15 20:05:33
@mlwankay_shin
قوربان، قوربانەن، جەژنەن، شادییەن
دەس نە گەردەنەن، ڕۆی ئازادییەن
#مەولەوی
من وەکوو مەهدی لەسەر پەیمانەکەی تۆم، تۆبە بێ
جەژنی قوربانە قەسابیش حازرە خۆزگەم بە خۆم
خۆم و ئەولادم هەموو قوربانەکەی تۆم، تۆبە بێ
بێ کەس و حەیران و سەرگەردانە حەمدی وەک عەرەب
#حەمدی
جەژنت پیرۆز بێ بە دڵێکی خۆشی
شەرابی عەیشی و سەفا بنۆشی
ئیمڕۆ ڕۆژەکەی جەژنی قوربانە
ڕۆژی شادییە و دەس لە ملانە
با یەکتر بکەین گەردەنازادیی
نەوەک ڕوو بدا لەپڕ جودایی
برا ئەتەوێ بەڕاستی بژین
تێرتێر دوو لێوی یەکتر بمژین
ئەمە قانوونی جەژنی قوربانە
لە بەینا ئیتر دڵگیر نەمانە
#عارف_عورفی
قوربان قوربانەن ...
وادەی ئازادی جەژنی قوربانەن
دەروونم کەیلەن دڵم بوریانەن
خەمم جەم بیەن یانەم وێرانەن
#شاهۆ
قوربانە هەموو ژینی من
بژی کورد با بمرێ دوژمن
من سەرم شۆڕ ناکەم هەرگیز
پێشمەرگەم بۆ کوردی ئازیز
#کامەران_موکری
دیسان وا جەژنە جەژنی قوربانە
لای موسڵمانان شادی و سەیرانە
بارانی میحنەت زۆر توند ئەبارێ
بەسەر چیا و چۆڵ خاکی کوردانە
حەجاج لە مینا حەیوان بەختەکەن
کوردیش قوربانی پیر و لاوانە
#لوتفی
تۆ پادشەهی حوسنی ئەی ئافەتی جان و دڵ
عاشق وەکوو مەملووکت ئامادەیی فەرمانە
فەرمووی بە من ئەی ئەحمەد حازر بە لەبۆ کوشتن
ئازاد بە لە دەرد و غەم وا مەوسیمی قوربانە
#ئەحمەد_موختار_بەگی_جاف
ئەو کە وا تاقە بە شێوەی پێکەنین
وەردەگێڕێ پیری سەد ساڵە لە دین
تازە سەییادە لە چینۆ هاتووە
عیدی قوربانە، بە قوربانی دەبین
#ناری
ئەمری زاتی سوبحانە کە ئەمڕۆ جەژنی قوربانە
هەموو عالەم موعەتتەر بوو بە بۆی ڕێحانی جانانە
#مەزڵووم
بەم دەردی سەرە کوشتنی لازم نییە قوربان
لەم جێژنەیی قوربانە کە قوربانە دڵی من
#سافی_هیرانی
خودپەرستینە! لە شەو فێری پەرستن بن، کە خۆر
هەر دیاری دا، بە دەوری سەریەدا قوربانە شەو
#مەحوی
سبەینێ جەژنی قوربانە بە قوربانت ئەکەم قوربان
سەر و ماڵ و دڵ و گیانم بە چاوی تۆ قەسەم هەر دوو
#مینە_جاف
فیدات بم پشتیوانم بە لەڕێی ئەم جەژنی قوربانە
سەبەب تۆ بووی کە ئیسماعیل نەجاتی بوو لە قوربانی
#عارف_عورفی
چراغ قوربانەن ...
ئینە عیدی نۆ جەژنی قوربانەن
زەمزەمەی تەوحید ڕای حاجیانەن
قوربانی قوربان ئەمری سوبحانەن
دارا و نەدارا مسکێن و دەروێش
هەر کەس مەکەرۆ قوربانی پەی وێش
تۆیچ ئەمن بەرە بۆ قوربانی گا
قوربانیم کەرە چوون خلیل الله
#بێسارانی
قوربان وەرە ئەم جەژنە قوربانە ئەگەر چی
ئەم زەحمەت و ئازار و جەفادانە لەسەر چی
گەر دەم کوژی بەم چاوە بڵێ فورسەتە ئیمڕۆ
نەک ڕۆژی لە پەنهانەوە خوێنم بە هەدەر چی
#عەونی
قیبلەکەم ئارۆ جە ژن قوربانەن
پەی پابۆس تۆ جەژنانەم گیانەن
#سەید_تاهیر_هاشمی
بڵێ هات مەوسیمی مەرگت سبەینێ جەژنی قوربانە
لە بورجی زوڵمەتی زوڵفت کە شەوقی ڕووت تولووعی کرد
#مەلا_موستەفای_عاسی
وەختی کەرەم و ڕەحمەت و ئازادییە قوربان
گەر مەیل ئەکەی لایەقی قوربانە دڵی من
#مەلا_موستەفای_عاسی
چراغ قوربانەن، قوربان نیەنان
غەیر پەی تۆ پەی کەس قوربان نیەنان
دیدەم نیگەران تێغی دەستی تۆن
ئەڕواحم جۆیای کوشتەی قەستی تۆن
#بێسارانی
جێژنی قوربانە سبەینێ وەختی وەسڵە بۆ تەواف
شەربەتی دیداری یار و چاوەیی زەم زەم دەخۆم
#مەلا_موستەفای_عاسی
جەژنی قوربانە سلێمانی بە مەزبەح دانرا
کورد مەڕن بۆیە بە جارێ هەر لەوێدا سەربڕان
#حەمدی
سبەینێ جەژنی قوربانە بە ئادابی موسوڵمانی
مەڕ و ماڵات ئەکەن ئیسلامەکان ئێستا بە قوربانی
بزانن خەڵکە بۆ پاراستنی خاکی بە نرخی کورد
بە قوربانی ئەکا وا ڕۆڵەکانی خۆی سلێمانی
#کەمالی
لەو جەژنە کە وا جەژنەیی قوربانە بە قوربان
موشتاقی تەوافی مەمتم لێم مەکە پەنهان
#موخلیس
وەرە سەیری ژیانم کە هەموی هەر قۆچی قوربانە
بەبێ پەروا ملم نا بوو گڕی تۆ، دەک ملم بشکێ
#کاکەی_فەلاح
جەژنی قوربانە بەڵام کوردی هەژار
جەژنی هەر نوێژکردن و نان خواردنە
#زێوەر
جەژنی قوربانە بەقوربان نۆبەتی قوربانییە
بۆ تۆ قوربانی بەقوربان گیانی من قوربانتە
#عارف_عورفی
لە شامی مەغریبی زۆڵفت، هیلالی حاجیبی تۆم دی
ئیشارەی کرمێ یەعنی کە سبحەی جەژنی قوربانە
#ویساڵی
شوکور وا جەژنی قوربانە لەسەر فەرموودەیی دولبەر
وەکوو مەڕ بۆ بەڵاگەردانی ئەو ئەمکەن بە قوربانی
#ئەحمەد_موختار_بەگی_جاف
دەزانی بۆچی مەسروورم، ئیشارەی کردمێ دولبەر
وتی حازر بە بۆ کوشتن بەیانی جەژنی قوربانە
#تاهیر_بەگی_جاف
قوربان وەرە قوربانە، سا بمکە بە قوربانت
ڕەنگین کە بە خوێناوم کاکۆڵی پەرێشانت
#حەریق
Tel⇔ @mlwankay_shin
6.1K viewsAmiR, 17:05
م
