2023-08-21 09:41:29
طفلك مو #ملطشة تحت إيدك وتحت ظروفك وعلى حسب مزاجك..
هي حقيقة صادمة لو قعدنا مع حالنا وفكرنا شو #ذنبهم إنهم لسّا صغار وما بيعرفوا يحكوا أو يدافعوا عن حالهم..
طفلك ما إله دخل:
بحالتك النفسية وعلاقتك بأهلك وصحابك..
بظروفك الإقتصادية والمصاريف والفواتير..
لازم تعرفي إنّه طفلك بيخزن كل شي وبداية من عمر 3 سنوات..
بيخزن الطفل مواقف ممكن تستمر معه العمر كله بذاكرته..
طفلك مو ملطشة لما ..
لما يجي يضربك أو يدفشك، بلا ما تهينيه أو تضربيه وتمسكي ايده بقوة مع نظرة جدية..
لما يجي يشرب من الكاسة وتوقع منه وتنكسر، ما تضربيه هو ما بيعرف إنها ح تنكسر ولا قاصد يرميها، ممكن تكون تقيلة أو كبيرة عليه ومو عرفان يتحكم فيها..
دايماً خلي لطفلك أدوات خاصة بلاستيك يستخدمها بسهولة وأمان.
لما يبكي ويزنّ ، ما تصرخي بوجهه وتقوليله خلص بكفي
انزلي لمستواه وافهميه وشوفي هو شو بده، واقنعيه بسهولة.
ولو ما اقتنع، تركيه يبكي لحاله من غير ما تصرخي عليه وتزوديها، رح يسكت لحاله وإن طالت المدة..
لما ابنك يرسم على الحيط مو لازم تضربية..
هو ما بيعرف إنك رح تتعبي بمسحها، ولا قاصد إنّه يشوه منظر الأوضة
هو عنده موهبة وطاقة..
دايماً خصصي إله دفتر رسم وألوان في متناول ايديه..
لما يكون قاعد بلا ما تفتحي مواضيع ونقاشات مع زوجك عرفانة إنه ح يكون فيها شد وجذب ورح تقلب خناق..
هو ماله ذنب في مواضيعكم ولا مجبر يسمعها، هو بده بيت هادي ، أمّ وأب متفاهمين ..
وأخيراً ما تسمحي لمين من كان إنه يهين طفلك، دايماً خليه #خط_أحمر ..
ولما يتصرف تصرفات خاطئة، خديه على طول في مكان منفصل واحكي معه
كوني لطفلك كما يريد، ليكن لكِ كما تريدين..
كوني له أمّ بمعنى الكلمة ..
طفلك لا يريد منك أكل وشرب هو يريد منك ما لا يستطيع غيرك أن يقدمه له..
إعداد #الدكتور_أحمد_نيروخ
تابعونا على التلغرام : https://t.me/syrdrugs
17.0K views06:41