“Нөкис-Самарқанд” бағдарында пойездта жолаўшы ретинде келген журналист Исомиддин Полатов “плацкарт”тағы шараятлар ҳаққында жазып, вагонлардағы жағдайды қорқынышлы түске уқсатқан. “Өзбекстан темиржоллары бул ҳаққында ойлағанша әсирлер өтпесе болды. Себеби “үлкен”лердиң ҳаялы, қызлары бул вагонлар ҳаққында улыўма билмейди, деп жазады ол.
Журналист өзбекстанлыларға ҳаялы ҳәм қызларын пойездға шығармаўды усыныс еткен. Ол буған себеп ретинде пойездлардың “плацкарт” вагонларында шараят жоқ екенлигин көрсеткен.
