2023-04-14 06:02:19
Hafta Zaburi
Zabur 821 Osif sanosi. Qoʻshiq.
2 Ey Xudo, sukut saqlamagin,
Jimjit boʻlma, ey Xudo, jim turmagin.
3 Dushmanlaring shovqin–suron solmoqda,
Gʻanimlaring isyon qilmoqda.
4 Ayyorlik bilan ular xalqingga fitna qiladi,
Sen ardoqlaganlarga qarshi qasd qiladi.
5 Ular aytar: “Qani, oʻsha xalqning ildizini quritaylik,
To abad unutilsin Isroilning nomi.”
6-8 Edomliklar va Ismoil avlodlari,
Moʻabliklar va Hojar nasllari,
Gabol, Ommon va Omolek xalqlari,
Tir xalqi bilan Filistiya
Til biriktirib, fitna qiladi,
Senga qarshi ittifoq tuzadi.
9 Lut nasli bilan ittifoq tuzib,
Ossuriya ham ularga qoʻshilgan edi.
10 Midiyonlarni jazolaganingday ularni jazola,
Xishon daryosida Sisaro, Yobinni qirganingday jazola.
11 Ular En–Doʻrda halok boʻlgandilar,
Yerga tashlangan goʻngday boʻlgandilar.
12 Oriv va Zayovday qilib, ularning yoʻlboshchilarini oʻldir,
Barcha shahzodalarini Zevax va Zalmunoday qilgin.
13 Axir, ular: “Xudoning oʻtloqlarini
Oʻzimizniki qilib olaylik”, dedilar.
14 Ey Xudoyim, ularni xazonday sovurgin,
Shamoldagi somonday ularni uchirgin.
15-16 Oʻrmonni alanga yondirganday,
Ularni boʻronlaring ila taʼqib qil.
Tepaliklarni olov bilan kuydirganday
Ularni dovullaring ila dahshatga sol.
17 Yuzlarini sharmandalikdan qizartir,
Toki ular, ey Egam, Senga intilsin.
18 Ular doim sharmanda boʻlib, qoʻrquvga tushsin,
Badnom boʻlib, yoʻq boʻlib ketsin.
19 Ular bilsin Egamiz Sen ekaningni,
Yer yuzida buyuk hukmdor yolgʻiz Sen ekaningni.
81 views03:02