2023-09-02 12:13:09
GPSC ની ભરતીઓ જાહેર થઈ ગઈ છે. ગયા મહિને DYSO અને TDO ની ભરતી જાહેર થઈ. હાલ ક્લાસ ૧-૨ ની પણ ૨૯૩ જેટલી જગ્યા માટે ભરતી જાહેર થઈ છે. ઑક્ટોબર થી આ બધી પરીક્ષાઓ શરૂ થશે. ઘણા મિત્રો હાલ તૈયારી ચાલુ કરતા હશે. તો કયા વિષયો પહેલા વાંચવા?
જે વિષયમાં કોસ્ટ બેનિફિટ રેશિયો સારો હોય તે પહેલા વાંચવા. એટલે કે જેટલી કલાક તમે એ વિષયને આપો છો.. સામે તમને એ વિષય કેટલા માર્કસની ગેરંટી આપે છે!
દા. ત. ઇતિહાસ, સાંસ્કૃતિક વારસામાં વાંચવા માટે ઘણું છે. યાદ રાખવા માટે ઘણા ફેકટ છે. અને રીટર્ન રેશિયો ઓછો છે. તો આ વિષયને શરૂઆતમાં ન વાંચવા જોઈએ. વાંચવાના તો છે જ! પણ શરૂઆતમાં નહિ.
તો શરૂઆતમાં શું વાંચવું?
બંધારણ, ઇકોનોમિકસ પહેલા વાંચવું. કેમ? કારણ કે આ વિષય વાંચેલા હશે તો કરંટ અફેર વાંચતી વખતે સરળતા રહેશે. ત્યારબાદ ભૂગોળ વાંચી શકો. અને આ રીતે આગળ વધી શકો.
છેલ્લા બે વર્ષથી GPSC ની બધી પરીક્ષાના પ્રીલીમ પરીક્ષાના કટ ઓફ બહુ ઊંચા જાય છે. આટલા ઉંચા કટ ઑફને મેથ્સ અને રિઝનિંગ વગર આંબી શકવા બહુ મુશ્કેલ છે. છેલ્લી ક્લાસ ૧-૨ ની પરીક્ષાનું કટ ઓફ ૧૮૦+ હતું (૪૦૦ માંથી) અને આમાં ૫૦ માર્કસ નું ગણિત અને રિઝનિંગ પૂછાય છે.
પહેલા ૧૨૦-૧૩૦ કટ ઓફ રહેતું ત્યારે ઘણા વિદ્યાર્થીઓ ગણિતને અવગણીને આગળ વધતા હતા.. ત્યારે ગણિત અને રિઝનિંગ વગર કટ ઓફ પાર કરવું શક્ય હતું.. પણ હવે અવગણી શકાય નહિ. અને જો થોડી ઘણી પણ તૈયારી હોય તો ૨૫-૩૦ પ્રશ્નો આરામથી કરી શકશો.
એટલે શરૂઆતથી જો થોડો સમય આપી ગણિત અને રિઝનિગ કરતા જશો તો પરિક્ષા સુધીમાં ઘણું થઈ જશે.
અને તૈયારીમાં એક જ વિષય વાંચવા કરતાં બે વિષયો સાથે સાથે કરવા જેથી refresh થતા રહેવાશે. અને તમારી વાંચવા ની થ્રેશોલ્ડ લિમિટ વધશે. જેમ કે ૩ કલાક બંધારણ ૩ કલાક ભૂગોળ અને ૧-૧ કલાક મેથ્સ અને છાપું.
આ જ રીતે આગળ વધશો તો પરિક્ષા સુધીમાં ઘણી સારી રીતે તૈયારી થઈ જશે. અને મહેનત માર્કસમાં પણ પરિણમશે.
@bhainskipathshala
14.6K views09:13