لُـطـف"فـف 🤎🪐))-

2023-04-22 15:22:37 السلام عليكُم و رحمة ﷲ و بركاته

كُل يومٍ لاَ نَعصِي

فِيهِ اللَّه فَهُو لنَا عِيدٌ Buka / Bagaimana

2023-04-22 15:22:35 "ودخل أبو بكر بيت ابنته دون أن يكلّم أحدًا، فوجد رسول الله ﷺ مُغطَّى، فرفع الغطاء عن وجهه، ونظر في هذا الوجه الحبيب الذي كَسَته الطمأنينة وجمّله أثر القيام والصيام، ثم طبع قُبلة غالية عليه، وشمَّت أنفه رائحة الجسد الطاهر، فقال: "بأبي أنت وأمي، طِبت حيًّا وميّتًا، أمّا المَوتَة الَّتي كتبها الله عليك فقد ذُقتها"

وهُنا كاد القلب يتفطّر، وكادت نفس أبي بكر تخرج من موضِعها، فصديقه الحبيب قد غادر وسافر، تارِكًا إياه في سجن الدنيا القاسي.

- رجال حول الرسول ﷺ. Buka / Bagaimana

2023-04-17 20:25:48 مذكرات تائب:
مذكرات تائب ٦:
انا الحمد لله انتظمت في الفروض وكمان السنن
ده حتي اول ما الصلاه بتخلص بصلي السُنه وراها علطول علشان منساهش او علشان مكسلش
ثانيه كده معلش تقصد ب وراها علطول انك اول ما بتسلم بتقوم وتصلي السنه علطول كده
اه
طب والاذكار يلي بعد الصلاه يابني
هنتكلم النهارده عن بعض اذكار ما بعد الصلاه وقبلها
بص بقي معايا كده
طبعا انت عارف انه مع الآذان تردد وراه
اه بردد الحمد لله
طب انا جايلك بهديه حلوه
عنْ سَعْدِ بْن أَبي وقَّاصٍ رضِيَ اللَّه عنْهُ عَن النبي صَلّى اللهُ عَلَيْهِ وسَلَّم أَنَّهُ قَالَ: "مَنْ قَال حِينَ يسْمعُ المُؤذِّنَ : أَشْهَد أَنْ لا إِله إِلاَّ اللَّه وحْدهُ لا شَريك لهُ ، وَأَنَّ مُحمَّداً عبْدُهُ وَرسُولُهُ ، رضِيتُ بِاللَّهِ ربًّا ، وبمُحَمَّدٍ رَسُولاً ، وبالإِسْلامِ دِينًا ، غُفِر لَهُ ذَنْبُهُ". رواه مسلم
وبعد الآذان
اللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ
اللَّهُمَّ رَبَّ هَذِهِ الدَّعْوَةِ التَّامَّةِ، والصَّلاةِ القَائِمَةِ، آتِ مُـحَمَّداً الوَسِيْلَةَ والفَضِيْلَةَ، وابْعَثْهُ مَقَاماً مَـحْمُوداً الَّذِي وَعَدْتَهُ، إنَّكَ لا تُخْلِفُ الـمِيْعَادِ
طب ما بين الأذان والإقامة اقول ايه الدعاء عندئذٍ مرغّب فيه ومستحب
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "الدُّعَاءُ لَا يُرَدُّ بَيْنَ الْأَذَانِ وَالْإِقَامَةِ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِنَّ الدُّعَاءَ لَا يُرَدُّ بَيْنَ الْأَذَانِ وَالْإِقَامَةِ فَادْعُوا
طب المؤذن اقام الصلاه وهنصلي
استني عندك دقيقه
بعد تكبيره الاحرام تقول دعاء الاستفتاح
وبعدين تقرا الفاتحه وده في الركعه الاولي بس
ودعاء الاستفتاح له كذا صيغه زي
اللهم باعد بيني وبين خطاياي كما باعدت بين المشرق والمغرب، اللهم نقني من خطاياي كما ينقى الثوب الأبيض من الدنس، اللهم اغسلني من خطاياي بالثلج والماء والبرد
وبرده
سبحانك اللهم وبحمدك وتبارك اسمك وتعالى جدك ولا إله غيرك
طب انا خلصت الصلاه اهو اعمل ايه بقي
بص بقي وركز معايا
قال الإمام النسائي رحمه الله في " السنن الكبرى " (9848
أَخْبَرَنَا الْحُسَيْنُ بْنُ بِشْرٍ ، بِطَرَسُوسَ ، كَتَبْنَا عَنْهُ قَالَ : حَدَّثَنَا مُحَمَّدُ بْنُ حِمْيَرٍ قَالَ : حَدَّثَنَا مُحَمَّدُ بْنُ زِيَادٍ ، عَنْ أَبِي أُمَامَةَ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : ( مَنْ قَرَأَ آيَةَ الْكُرْسِيِّ فِي دُبُرِ كُلِّ صَلَاةٍ مَكْتُوبَةٍ لَمْ يَمْنَعْهُ مِنْ دُخُولِ الْجَنَّةِ إِلَّا أَنْ يَمُوتَ
أستغفر الله ثلاثًا،
اللهم أنت السلام ومنك السلام تباركت يا ذا الجلال والإكرام،
ثم يقول: لا إله إلا الله وحده لا شريك له، له الملك وله الحمد وهو على كل شيء قدير،
لا حول ولا قوة إلا بالله لا إله إلا الله ولا نعبد إلا إياه له النعمة وله الفضل وله الثناء الحسن،
لا إله إلا الله مخلصين له الدين ولو كره الكافرون،
اللهم لا مانع لما أعطيت ولا معطي لما منعت ولا ينفع ذا الجد منك الجد
مَن قرأَ آيةَ الكرسيِّ دبُرَ كلِّ صلاةٍ مَكْتوبةٍ، لم يمنَعهُ مِن دخولِ الجنَّةِ، إلَّا الموتُ) شفت انت كنت بتضيع ايه علي نفسك
عن أبي هريرة رضي الله عنه عن رسول الله- صلى الله عليه وسلم:«مَنْ سَبَّحَ الله فِي دُبُرِ كُلِّ صَلاةٍ ثَلاثاً وَثَلاثِينَ، وَحَمِدَ الله ثَلاثاً وَثَلاثِينَ، وَكَبَّرَ الله ثَلاثاً وَثَلاثِينَ، فَتِلْكَ تِسْعَةٌ وَتِسْعُونَ، وَقَالَ تَمَامَ المِائَةِ: لا إلَهَ إلَّا الله وَحْدَهُ لا شَرِيكَ لَهُ، لَهُ الملْكُ وَلَهُ الحَمْدُ وَهُوَ عَلَى كُلِّ شَيْءٍ قَديرٌ غُفِرَتْ خَطَايَاهُ وَإنْ كَانَتْ مِثْلَ زَبَدِ البَحْرِ
فيه بقي حاجه كده بعد صلاه الفجر والمغرب لازم تاخد بالك منهم
حدثنا إسحق بن منصور حدثنا علي بن معبد حدثنا عبيد الله بن عمرو الرقي عن زيد بن أبي أنيسة عن شهر بن حوشب عن عبد الرحمن بن غنم عن أبي ذر أن رسول الله صلى الله عليه وسلم قال من قال في دبر صلاة الفجر وهو ثان رجليه قبل أن يتكلم لا إله إلا الله وحده لا شريك له له الملك وله الحمد يحيي ويميت وهو على كل شيء قدير عشر مرات كتبت له عشر حسنات ومحيت عنه عشر سيئات ورفع له عشر درجات وكان يومه ذلك كله في حرز من كل مكروه وحرس من الشيطان ولم ينبغ لذنب أن يدركه في ذلك اليوم إلا الشرك بالله قال أبو عيسى هذا حديث حسن غريب صحيح
ها عرفت هتعمل ايه بعد الصلاه علطول
وبعدين بقي تصلي السنه براحتك Buka / Bagaimana

2023-04-16 23:14:05 اقولك على حاجة؟!

- ابدأي احفظي القرآن ، وادرسي تجويد ، وانتِ هتنسي الدُنيا دي وكل اللي فيها!

"حِفظ القرآن ، ودراسة التجويد والقراءات ؛ مُتعة ولَذة وراحة لقلبك وگأنه لم يرَ حُزنًا قَط."

فـ واللَّه أتعجب مِن الذي لم يحفظ القرآن ، ولم يدرس التجويد ، گيف لقلبه أن يذوق طعم السعادة !

والله والله لكأن المدود والغنن تخرج الهم من صدورنا إخراجاً. Buka / Bagaimana

2023-04-16 23:06:03 و مش معنى كده إن ده يُنقص حاجة من قَدر الأنبياء دول،
لإن تمام الكمال بيكون حسب النهاية كانت إيه، والعبرة بالخواتيم، والأنبياء حالهم أكمل الأحوال..

ها بقي عرفت النبي دة كان مين !؟

طبعاً ، سيدنا يونس " يونس بن متّى "..
اللهم اغفر لي ولوالدي وللمؤمنين والمؤمنات والمسلمين والمسلمات الاحياء منهم والاموات
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد Buka / Bagaimana

2023-04-16 23:06:02
هو كان فيه نبي إسمه " يونان " ..؟

= نعم ، نعم هنستهبل !!

استغفر الله العظيم ، طيب بلاش يونان بدل ماتعرفش!

كان فيه نبي إسمه " ذا النون " ..

يووووة !! ، انتي بتقولي أى هبد على فكرة

= طب تصدق بقي مش هقول إسمه اللي ذُكر في القرآن إيه!

بس علي فكرة بقي هو من أسمائه يونان ، وذا النون ، ايه رأيك بقي!

لأ إذا كان بقي قوليلنا مين هو ذا النون ؟!

كان فيه نبي كريم جداً ، ربنا أرسله لقرية كلها كفااااار ..

فضل النبي يدعوهم لعبادة ربنا ، وينصحهم ، ويرشدهم إلي الخير ، ويذكرهم بيوم القيامة ، ويخوفهم من النار .
ويحببهم في الجنة ..

طبعا كالعادة بني إسرائيل عملوا ايييييه ..!
كذبوه !!
ومحدش آمن بيه من قومه ..

هى كانت فين القرية دي !؟

كانت قرية " نِينَوَى " في العراق .

فربنا قاله إنه هيرسل عليهم العذاب، لكن النبي غضب جداً على قومه وقالهم :
إن ربنا هيرسل عليهم العذاب بعد ثلاثة أيام ، وساب القرية ومشي .
وقومه غضبوا منه إنه سابهم ومشي برة القرية!

"وَذَا النُّونِ إِذْ ذَهَبَ مُغَاضِبًا "..

إيه دة !!
يعني النبي خرج من القرية قبل ما ربنا يأمره بكدة !؟
= بالظبط كدة ..!

طب ليه عمل كدة !!؟
= لأن الرسل إللي قبله كان ربنا بيأمرهم يخرجوا ويسيبوا القرية ، لأن ربنا هينزل عليهم العذاب ..

فالنبي كان متخيل إنه عادي يعمل كده لإنه نبي وربنا مش هيغضب عليه أو يعاتبه ، أو يضيقها عليه بسبب إللي عمله ده
قبل ما الوحي يجيله ..!

"فَظَنَّ أَنْ لَنْ نَقْدِرَ عَلَيْهِ"..

بعد ما خرج من القرية راح ركب سفينة في البحر،،

وهمّ في الطريق البحر هاج والناس خافت لَيغرقوا،
فقالوا خلاص نخفف الأحمال شوية !
فرموا الأمتعة بتاعتهم في البحر ، بس برضو لسه السفينة تقيلة!
فقالوا مفيش قصادنا حل غير إننا نبدأ نرمي من الناس حد معين!

فعملوا زي قرعة كدة ، فطلع نصيبها مييييين إنه يترمى في البحر

النبي طبعاً ..

" إِذْ أَبَقَ إِلَى الْفُلْكِ الْمَشْحُونِ * فَسَاهَمَ فَكَانَ مِنَ الْمُدْحَضِينَ "

الناس بصوا له شافوا عليه علامات الصلاح..
فقالوا بلاش نرميه خلونا نعمل قرعة تانية أحسن.

وعملوا القرعة مرة ، واتنين ، وثلاثه ..
بس كل مرة يطلع نصيب النبي برضو .
فعرف النبي إن هو المقصود ، وإن دي إشارة من ربنا،،

أهل السفينة رموا النبي فعلاً في البحر.

وبعد ما رموه ، في ساعتها طلع حوت ضخم وفتح فمه وابتلع النبي

في نفس الوقت ده ربنا كان أرسل على قومه العذاب،.
فلما شافوا السحاب شكله مرعب ، وعمال يسود ،
قالوا إن النبي كان صادق وهو ده العذاب اللي جايلنا!
واحنا مفيش قصادنا غير إننا نتوب ونستغفر ونرجع إلى الله عشان يكشف عننا العذاب،،

كانت القرية دى فيها أكتر من مائة ألف واحد .

"وَأَرْسَلْنَاهُ إِلَى مِائَةِ أَلْفٍ أَوْ يَزِيدُونَ "

فضلوا يعيطوا ويستغفروا ربنا عشان يعفي عنهم.

وفضلوا فتره كده لحد ما ربنا رفع عنهم العذاب فعلا..

"فَلَوْلَا كَانَتْ قَرْيَةٌ آمَنَتْ فَنَفَعَهَا إِيمَانُهَا إِلَّا قَوْمَ يُونُسَ لَمَّا آمَنُوا كَشَفْنَا عَنْهُمْ عَذَابَ الْخِزْيِ فِي الْحَيَاةِ الدُّنْيَا "

والنبي كان يعرف إللي حصل مع قومه !؟

= لأ ماكنش يعرف ، ماهو بلعه الحوت بقي ..

وخلاص كدة مات !؟

لأ ،،
النبي أول ما فتح عينه لقى نفسه في بطن الحوت.

وازاي الحوت مأكلهوش ؟؟

لأن ربنا أمر الحوت إنه ماياكلوش ولا يكسر عظمه لإنه مش رزقه..!

الحوت بقي كان جميل اوي ..
فضل يطوف ويلف بالنبي في البحر..
فكان النبي بيسمع أصوات تسبيح المخلوقات في الأعماق،،
فبدأ يسبّح معهم. ويقول :

"لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ"

النبي كان عارف انه غلط ، وعارف ان دة كان عتاب من ربنا له ، فصبر علي البلاء ..
ميأسش !! وقال خلاص ربنا بينتقم مني !!

لأ فضل يسبح ربنا عشان يرفع عنه البلاء

"فَلَوْلَا أَنَّهُ كَانَ مِنَ الْمُسَبِّحِينَ * لَلَبِثَ فِي بَطْنِهِ إِلَى يَوْمِ يُبْعَثُونَ"

فربنا استجاب و أمر الحوت إنه يطلع النبي من بطنه ويرميه على الساحل،،

"فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ".

وخرج النبي و جسمه ضعيف جداً.

فربنا أنبت له جنب منه شجرة من يقطين تغطي جسمه ، وكمان كان ورقها بيتاكل بقشرها ومن غير قشرها..
مطبوخة ومش مطبوخة..

وقعد أد إيه في بطن الحوت !؟

يُقال يوم واحد ، ويقال سبع أيام ، ويقال أربعين يوم.،،

طب هو إزاي نبي يغلط معلش !؟
هما مش الانبياء معصومين من الغلط !؟

الأنبياء معصومين من الغلط في تبليغ الوحي سواء غلط متعمد او غير مُتعمّد .
ومعصومين من الكفر ، و معصومين من الكبائر..
لكن مش معصومين من الصغائر ..
و بينزل بعدها علي طول وحي من ربنا بالعتاب.
فبيستغفروا ربنا منها ومش بيرجعوا لها تاني أبدا. Buka / Bagaimana

2023-04-16 19:23:47 مذكرات تائب:
مذكرات تائب ٥:
انا الحمد لله تمام التزمت وحتي بقيت بصلي القيام بالطريقه يلي قلتلي عليها
بس فيه حاجه كده عاوز اقولهالك
اتفضل
مش انت قلت متتكسف إسأل
اه
بص هو بعد العشا صليت السنه وقعدت شويه كده لفت نظري واحد بعد ما صلي السنه لقيته بيصلي ٣ ركعات زي صلاه المغرب كده بس مقعدش للتشهد في الركعه التانيه والغريب انه كذا حد عمل كده وانا مش فاهم ايه ده
اه تقصد صلاه الوتر
صلاه الوتر؟
اه هقولك يعني ايه صلاه وتر
السلام عليكم ورحمه الله
هنتكلم في إيجاز عن صلاه الوتر ووقتها وفضلها وطريقه آدائها
قبل ما نبدأ هنعرف يعني إيه صلاه وِتر
الوتر لغةً: تأتي الوتر بمعنى الفرد، ومنه حديث رسول الله -صلى الله عليه وسلم-: (إن الله وتر يحب الوتر،
وتُطلق العرب على الواحِد وِتر ووَتر بالفتح والكسر، وأُخذت صلاة الوتر من هذا القول بأنها مفردة
إنَّ اللهَ تعالى زادكم صلاةً وهي الوترُ، فصلوها فيما بين صلاةِ العشاءِ إلى صلاةِ الصبحِ
كده عرفنا معني كلمه صلاه الوتر ووقتها من بعد صلاه العشاء إلي ما قبل صلاه الصبح(الفجر
طب يا تري هي واجبه ولا سنه ولا فرض ولا إيه؟
ذهب أبو حنيفة وزُفَر إلى وجوب صلاة الوتر: والواجب عند أبي حنيفة يقع عنده بمنزلةٍ أدنى من الفرض، فالفرض عنده ما ثبت بدليلٍ قطعيّ الثّبوت، والواجب ما ثبت بدليلٍ ظَنّي الثّبوت، ودليله قول الرّسول -عليه الصّلاة والسّلام- : (إنَّ اللهَ تعالى زادكم صلاةً وهي الوترُ، فصلوها فيما بين صلاةِ العشاءِ إلى صلاةِ الصبحِ
ذهب المالكيّة والشَافعيّة وسفيان الثوريّ والأوزاعيّ وصاحبا أبي حنيفة محمد وأبو يوسف إلى أنّ صلاة الوتر سُنّةً، وليست واجبةً ولا فرضاً
طب أنا لو عايز اصلي الوتر أصليه إزاي؟
هو فيه كذا طريقه لصلاه الوتر هنذكرها من الاكثر للأقل
أن يُصلِّي إحدى عشرة ركعةً يفصل بين كلّ ركعتين منهما بتشهُّدٍ وسلام، ثمَّ يأتي بركعةٍ ويُسلِّم، وهذه الصّورة قال بها المالكيّة والشافعيّة والحنابلة
أن يُصلِّي ثلاث عشرة ركعةً يُسلّم بين كلّ ركعتين ثمَّ يوتِر بواحدةٍ ويُسلِّم، وهذه الصّورة أيضاً قال بها المالكيّة والشافعيّة والحنابلة
أن يُصلِّي ثلاث عشرة ركعةً يُسلّم بين كلّ ركعتين حتّى الثّامنة، ثُم يُصلّي خمس ركعاتٍ بتسليمةٍ واحدة، وقال بهذه الصّورة المالكيّة والحنابلة
أن يأتي بتسع رَكعاتٍ لا يجلسُ بينهنّ إلا في الثّامنة، وفي الثّامنة يتشهَّدُ، ثم يأتي بالتّاسعة ويُسلِّم
أن يأتي بسبع رَكعاتٍ لا يجلسُ بينهنّ إلا في آخر ركعةٍ ثم يُسلِّم. أن يُصلّي سبع رَكعاتٍ لا يجلسُ بينهنّ إلا في الرَّكعة السَّادسة يتشهَّدُ فيها، ثم يقوم للسّابعة وينتهي بها بعد التشهّد
أن يُصلّي خمس ركعاتٍ بتشهيدةٍ واحدةٍ وسلامٍ واحد
أن يُصلّي ثلاث ركعات يفصل بينهما بسلامٍ بعد ركعتَي الشّفع ثمَّ يأتي بواحدة يتشهّد فيها ويُسلِّم. وقد اتَّفق الفُقهاء على هذه الصّورة باستثناء الحنفيّة
أن يُصلّي ثلاث ركعاتٍ بتسليمةٍ واحدةٍ وتَشَهُّدٍ واحدٍ، وهذه الصّورة هي الوحيدة عند الحنفيّة، وقيل أن يُصلّي ثلاث ركعاتٍ بتشهُّدين وسلامٍ واحد كصلاة المغرب
أن يُصلّي ركعةً واحدةً مُنفردةً، وقد أجاز ذلك الشافعيّ مع الكراهة، وأجازها الحنابلة دون كراهة، وقد مرَّ بيان ذلك كلِّ
يعني انت ممكن تصليها من ١٣ ركعه الي ركعه واحده بس علي حسب
المهم انك تصليها علشان فضلها
ثانيه واحده طب وفضلها إيه؟
ورد في فضل صلاة الوتر عَنْ خَارِجَةَ بْنِ حُذَافَةَ -رَضِيَ اللهُ عَنْهُ- قَالَ: قَالَ رَسُولُ اللهِ -صلى الله عليه وسلم: (إِنَّ الله أمَدَّكُمْ بِصَلاَةٍ هِيَ خَيرٌ لَكُمْ مِنْ حُمْرِ النَّعَمِ، قُلْنَا: وَمَا هِيَ يَا رَسُولَ الله؟ قالَ: الوِتْرُ مَا بَيْنَ صَلاَةِ العِشَاءِ إِلى طُلُوعِ الفَجْرِ
أوصى الرسول -صلى الله عليه وسلم- بصلاة الوتر ووصيته بصلاة الوتر دلالة على فضل هذه الصلاة وعظمتها وأهميتها في الإسلام؛ فقد ورد عن أبي هريرة: (أوصاني خليلي صلَّى اللهُ عليه وسلَّم بثلاثٍ : صيامُ ثلاثةِ أيامٍ من كلِّ شهرٍ، وركعتي الضُّحى، وأن أوتِرَ قبلَ أن أنامَ
معلومه اخيره افضل وقت للوتر قبل الفجر ولو مش ضامن تصحي قبل الفجر يبقي تصليها قبل النوم
ولو هتصحي قبل الفجر يبقي تصلي ركعتين قيام(تصليهم بال 100 ايه او بال1000 زي ما قلنا قبل كده ) وبعدين ركعه واحده حتي للوتر
وكمان لو كنت صليت الوتر قبل ما تنام وصحيت قبل الفجر فعادي تصلي القيام بس متصليش الوتر تاني هو مره واحده بس وخلاص

هدانا وهداكم الله اجمعين Buka / Bagaimana

2023-04-15 16:56:08 مذكرات تائب ٤:
انا الحمد لله انتظمت في الصلاه وبقيت بصلي فروض وسنن وبقرا قرآن ووو
وبصلي قيام ليل كمان
ثانيه كده انت عارف وقت القيام؟
اه طبعا من بعد العشا لقبل الفجر
طب حلو اوي اوي ركز بقي معايا
هنتكلم في ايجاز عن قيام الليل
اولا قيام الليل ناس كتير اوي عارفه فضله علي العبد من تقبل الدعاء والشفاء والمغفره والقرب من ربنا
ثانيا هنتكلم عن حاجه حلوه كده في القيام ياارب تفيدكوا
فيه حديث عن سيدنا محمد صلى الله عليه وسلم بيقول
عن عبدالله بن عمرو بن العاص رضي الله عنهما قال: قال رسول الله صلى الله عليه وسلم: «من قام بعشر آيات لم يكتب من الغافلين ومن قام بمائة آية كتب من القانتين ومن قام بألف آية كتب من المقنطرين
معني الحديث كالآتي
كل ليله بيتكتب لينا إسم
إذا نمت ولم تقم فاسمك: غافل
إذا قمت بعشر آيات محوت هذا الاسم. إذا قمت بمائة آية فاسمك: قانت. يعني مقبل علي الطاعه ودي فضلها كبير بنور الوجه والبعد عن الفواحش والإثم وع
غيرها وغيرها
إذا قمت بألف آية فاسمك: مقنطر
يعني من أصحاب القناطير يعني الكميات الهائلة من الأجر والثواب
طب حلو أوي الكلام ده وممكن تكون ناس عارفاه
يعني الاهم عندنا انه علي الاقل منبقاش من الغافلين باي طريقه من التلاته دول
يا إما أقرأ10آيات او 100أو 1000
بس هو الواحد لمن يفكر انه يقرأ 100أو 1000 أيه وهو قائم بتحسهم كتير
بس انا جايبلك بطريقه
لو علي 100 أيه فدي ممكن تبقي في سوره واحده بس ومعاها سوره الاخلاص
وهي سوره الواقعه
والسوره دي مش طويله ولا حاجه دي تقريبا متكملش 3 صفحات في القرآن
يعني لو حتي ركعتين واحده تكون لسوره الواقعه والتانيه للاخلاص
وباس كده انت من القانتين
وممكن سوره القلم في ركعه وسوره الحاقه في الركعه التانيه
والموضوع مش هياخد اكتر من ربع ساعه
متخيل ربع ساعه وبقيت من القانتين
وخد بالك انه احسن وقت للقيام بيبقي قبل الفجر في الثلث الاخير يعني لو تصحي قبل الفجر بنص ساعه بس وتصليلك ركعتين بال 100 ايه دول تبقي من المقنطرين لا واخدت جزائها في افضل وقت كمان (بس تكون ضامن إنك هتصحي قبل الفجر واخدلي بالك انت
طب لو بقي انا واحد عايز أجر المقنطرين وبرده فكره ال 1000 ايه كتير
اقولك برده انا جاي بالحل
كلنا تقريبا حافظين جزئين او تلاته علي الاقل
بص بقي انا محتاج منك جزء عم وجز تبارك دول مع بعض 1000 آيه إلا خمس آيات
وممكن برده تقسم ال 1000 علي 8 ركعات كل اتنين مع بعض
الاولي تبقي فيها الواقعه والتانيه فيها القلم والحاقه والمعارج
والتالته تبقي فيها الشعراء والرابعه عبس
والخامسه الصافات والسادسه المدثر والسابعه الحجر والثامنه تبقي المؤمنون
وبس كده انت برده قرأت ب 1000 ايه
والموضوع مش هيكلفك اكتر من ساعه
وهوب تبقي من المقنطرين
ربنا يجعلنا منهم جميعا
فانت تظبط نفسك علي وقت تصلي فيه القيام باي صفه من الصفات سواء القانتين او المقنطرين Buka / Bagaimana

2023-04-15 16:55:24 من أجمل ما قرأت

كنت بستغرب زمان ازاي واحد يكون لسه بيدعي بالحاجة وتاني يوم تُستجاب كده ، وأنا اللي بقالي سنين بدعي وربنا مستجبش ؟؟
ويوم ما قررت أتزوج وكُنت بدعي ربنا ان يجعل فلانه من نصيبي فجأة وبدون أي مقدمات كانت من نصيب غيري !!
وفي يوم صادفت إن أروح أصلي الجمعة في مسجد معين ولأول مرة أصلي في المسجد دا ، حضرت الخُطبة وأنا حاسس إن كل حرف موجه ليا أنا ، أنا تحديدا وربنا بيعاتبني أنا ..
لما الشيخ بدأ بـ : مش عاجبك رزقي ، مش مكفيك ، عاوز تتمتع بالدنيا ؟؟ ، عاوز كل اللي بتتمناه دي مش هتبقى دنيا دي كده هتبقى جنة ؟؟
وأنا مستعد أعيشك دنيا كالجنة بس متزعلش يوم القيامة لما تشوف أصحاب الإبتلائات عندهم جبال من الحسنات فتصب في ميزانهم صبا فيدخلون الجنة يرددون " الْحَمْدُ لِلَّهِ الَّذِي صَدَقَنَا وَعْدَهُ "
كنت يومًا نقيًا بفطرتك وسجدت قائلًا أرزقني الزوج الصالح وعندما صرفت عنك من أحببت لإن فيها الشر
تأتي تُعاتبني قائلًا لماذا صرفت عني محبوبتي يا الله !!
أأنت حزين لإني صرفت عنك الشر الذي في دعوتك ؟!
ألست أنت القائل : وقني وأصرف عني شر ما قضيت !
جربت مرة بدل ما تقعد تقول ربنا مستجبش ليا
جربت تقعد تتخيل يا ترى عندك كام جبل من الحسنات !
عدد الجبال اللي هتتعرض ليك يوم القيامة على كل دعوة دعيتها ومتحققتش ؟
جربت مرة تقعد تشوف أنا نجيتك كام مرة ؟ كام مرة كُنت في ضيق ولاقيتها اتحلت لوحدها !
كام مرة كنت على وشك الموت وأطلت عُمرك !
كام مرة كُنت تعصيني سرًا فرزقتك بلين القلب لتتوب وتستغفر فأغفر لك وأرزقك الفردوس!
لماذا لا تنتظر لتنظر إلى العوض !
أخبرتك بإِنَّهُ " مَنْ يَتَّقِ وَيَصْبِرْ فَإِنَّ اللَّهَ لا يُضِيعُ أَجْرَ الْمُحْسِنِينَ "
أتظن إني بعيد !
أنا أقرب إليك من وريدك وروحك وقلبك ونفسك
عبدي .. كن ربانيا ..
إذا رزقتك سجدت شاكرًا طالبًا المزيد ، وإذا صرفت عنك دعوتك سجدت حامدًا طالبًا العوض
كُن عبدًا لحوحًا إذا أبدلت لك دعوتك بالخير ردد " الله يعلم وأنا لا أعلم "
كُن مُحبًا لي فأنا أُحبك ..
ولا تكُن " وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ ذَٰلِكَ هُوَ الْخُسْرَانُ الْمُبِينُ "
من يومها وأنا بدعي مش عشان يُستجيب وبس لا
بقيت بدعي بكل حاجة
يارب أشوف فلان النهاردة ، يارب يحصل كذا
بقيت بدعي بأبسط الأشياء وأكثر الأشياء تعقيدًا
ولو مستجبش فـ أديني بنيت ليا جبل من الحسنات
ولو أستجاب فهنيئًا لي سمع الله صوتي
وياسعدي لو كان عوضي أن يكون تصب الجبال في ميزاني صبًا فتُفتح لي أبواب الجنة الثمانية
أخبرتك بإِنَّهُ " مَنْ يَتَّقِ وَيَصْبِرْ فَإِنَّ اللَّهَ لا يُضِيعُ أَجْرَ الْمُحْسِنِينَ " Buka / Bagaimana

2023-04-14 07:16:39 السلام عليكم ورحمة الله وبركاته

عندنا ثلاث أنواع من الزي الشرعي ..

1- المختمرة : هي السافرة التي يظهر وجهها

2_ المنتقبة : هي التي تغطي وجهها ويداها وتظهر عيناها

3_ المحجبة : هي التي لا يظهر منها أي شيء ولا حتى عيناها

لكن الطرحة القصيرة اللي مش بتغطي حتى الشعر دي بنربطها نغسل بيها هدوم أو مواعين ليس لها مُسمى في الشرع يولاد خالتي

والسلام .. (رد السلام ب 30حسنة♡) Buka / Bagaimana