انت استثنائي

2024-02-23 14:01:36 ازيكم
انا ريتاج
وده بابا بابا شغال ميكانيكي سيارات عجل حديث و عجل قديم عندنا ورشه في الفلكي في الاسكندريه بابا شغال في الميكانيكا من وهو في ٦ ابتدائي يعني بقاله اكتر من ٤٧ سنه في مجال العربيات
#تعديل
اللي سأل على العنوان مكانه الاسكندريه السيوف الفلكي شارع 16 الملك اخر الشارع أمام قهوه تشيلسي و بجوار قهوه السعاده الشارع ده الورشه على الشمال
رقمه اهو 01224932652 Buka / Bagaimana

2024-02-16 14:07:19 أنا الكفيف اللي اتقال لأمه هتعلميه ليه ده كفيف ومش هينفع
والحمد لله كبرت واتعلمت ونفعت وأخذت أعلى الشهادات واشتغلت وبقيت أحسن من اللي فقدوا فيَ الأمل
بفضل الله :) Buka / Bagaimana

2024-01-03 22:02:05 سلام عليكم ورحمه الله وبركاته
جماعه أنا اسمي صابرين من فيصل ومعايا اسكوتر بشتغل بي
أنا بوصل اوردات ف محيط الجيزه و القاهره و اي بنوته حابه اوصلها الجامعه او أي مشوار او أوصل اولادها المدرسه أنا موجوده و أسعاري زي اوبر بظبط و باجي لحد عندكم ، مناسبه ان مافيش شغل ف البلد و الدنيا بقيت صعبه اوي ف اهو بنساعد بعد ورزقي ورزقكم علي الله يومكم سعيد

تواصل واتساب / 01001520270
01118660862 Buka / Bagaimana

2023-11-22 00:30:21 Buka / Bagaimana

2023-11-21 17:53:51 دا منتجي من زمان اوي وانا بشتغل في الكورن فليكس ..
بس لاول مره اقرر ابني اسم ليا وبراند خاص بيا "كينوز" شركتي في دمياط حاجه تنافس بجد جوده وسعر ونضافه
تخيل يا مؤمن كيس ربع كيلو وب٢٥ جنيه يعني مجيش ربع سعر المستورد واعلي منه جوده .. والمبيعات واراء الناس حقيقي بشكرهم علي صدقهم وتفاعهم واوعدهم هكسبكوا هدايا وفرص شغل كتير ..
انا حقيقي بتمني دعمكم للبراند بتاعي المستمر ونقاطع منتجات بتؤذي اخواتنا في فلسطين
اخوكم محمد الكناني Buka / Bagaimana

2023-11-14 14:59:23 جماعه دا مصنع العصير بتاع بابا اسمه 5days بقاله اكتر من ١٠ سنين فالسوق فممكن كله يدعمنا عايزاه ينتشر في اكتوبر وزايد كلها
بما ان كله اصلا بيدور عالمنتجات المصريه دا احسن عصير ممكن تجربوة للناس اللي بتحب الحاجات الطبيعيه كمان علي ضمانتي
و فيه منه بدون سكر
*تعديل : هو موجود فالماركات عادي بس قليل عشان الطلب مكنش كتير ان شاء الله الفترة الجايه هيتوفر اكتر ثانيا في منه كل انواع العصاير وفي جراكن كبيره يعني لو في عزومه وعايزين كميه تقدروا تطلبوا اونلاين عالرقم دا
01155558001 Buka / Bagaimana

2023-08-08 14:36:30 فلتكن انت مصدر الضوء فالعالم أصبح معتم للغاية

الاحلام طلعت بتتحقق بالسعى عادى والمستحيل بنوصله ومفيش ظروف بتوقفك
اه هتتعب وهتعافر وهتاخد وقت طويل بس هتوصل وهتنجح اصل مفيش سعى بيضيع
انهارده وبعد 4 سنين سعى حققت اللى اتمنيته وبقيت بتكرم ك شخص مؤثر و دى اجمل حاجه اختم بيها السنادى

لو من اربع سنين حد كلن جه وقالى اللى انا حققته مكنتش هصدق انه برغم عدم توفير كل الامكانيات بالنسبالى وخوفى من الظهور وشخصيتى الانطوائيه

الحمدلله كما ينبغي لجلال وجهك ولعظيم سلطانك نجحت بتوفيق ربنا وبخرج م عام 2022 وانا مدرب دولى معتمد وأخصائي اجتماعى و متحدثه على مسرح TEDx وشخص مؤثر وان شاء الله ربنا يوفقنى ف اللى جاى واكمل حلمى

ليس الطريق ب صعبٍ .. وليس الهدف ببعيد
وكل أحلامنا تستحق التعب
قولوا اللهم بارك وادعولى بالتوفيق Buka / Bagaimana

2023-07-28 01:00:39 فتحت محل تصنيع منظفات وانا بدرس باعتبار إني دارسها.. برأس مال ٥٠٠٠ جنية بس، المحل كبر و فتحت فرع تاني لأخويا و خلصت دراساتي و خدت درجة أخصائي تحاليل طبية،
حوشت مقدم المعمل و فتحت علي بركة الله
كانت أيام الثورة و يدوبك فتحت ٢٠ يوم و العمارة اتسرقت بما فيهم أنا، لدرجة إني اتمنيت لو كانوا ضربوني بالنار و ريحوني.
قعدت سنتين أسدد في أقساط حاجات اتسرقت مش موجودة أصلا و ألملم نفسي و فتحت في مكان تاني و الحمد لله ربنا كرمني و للأسف أهملت المحل حبتين عشان المعمل أخد وقتي، و فتحت فرع تاني، و ربنا كرمني و جوزت نفسي بنفسي
مستمرش الوضع كتير و ظهر البيزنس بين الدكاترة و المعامل و دة أثر معايا جدا.
في الفترة دي ربنا رزقني بأميرتي الإستثنائية رزان بمرضها النادر
كان اختبار صعب جدا علينا، قفلت المعمل الرئيسي و صفيت المحل و سبت المنطقة كلها، ممكن تقولوا انهزام عشان اللي جرب غير اللي سمع.
هديت حبة و ظهرلي مكان و فتحت لتالت مرة متوكل علي الله. Buka / Bagaimana

2023-06-29 20:10:58 مارينا عبدالحى أو " ميكى" من اشطر البنات اللى ممكن تشوفها فى مجال Character designs & Illustration وتعتبر قصة نجاح للبنات خصوصا فالصعيد

مارينا عندها 24 سنه من سوهاج تخرجت من كليه العلوم بتشتغل فى مجال التصميم من 4 سنين.

بدأت رحتلها من خلال الأعمال التطوعية بالجامعه زى Enactus و Hult prize و كانت من مؤسسين مبادرة تطوير الصعيد و دى كانت بدايتها كديزاينر.

اشتغلت فى أكتر من شركة كجرافيك ديزاينر لحد ما تخصصت فى مجال الرسم من سنه و 3 شهور و بالتحديد فى مجال Character designs.

بدأت مع شركة امريكية لتصنيع التيشرتات المطبوعه و كانت هى المسئولة عن تصميم الرسومات اللي بتطبع على التيشرتات.

بعدها اشتغلت مع شركة رسوم متحركة في امريكا على مسلسل كرتون و هيتعرض قريب جداً

من اشهر رسوماتها فنانيس 2020 اللي انتشرت وبقت تريند علي البيهانس وبنترست وبقت بتظهر رقم 1 في سيرش.

واخيرا والاهم والاعظم ان الاسبوع ده جالها ايميل بدعوة من The Museum of Avant-grade متحف الطلائع والفنون بأوروبا اللي بيضم اكبر واعظم الفنانين والرسامين فالعالم عشان تعرض شغلها فالمتحف وتبقي متشافة بشكل اكبر Buka / Bagaimana

2023-06-29 19:51:31 انا اسمي مني محمد الزاملي مولوده قصار قامه ممكن يكون انجازاتي مش عظيمه ولا كبيره زيكم لكن انجازاتي بالنسبالي شيفاها حاجه عظيمه انا بقالي 29سنه بحارب التنمر بقالي 29سنه بحاول اكون واثقه في نفسي واساعد اي حد محتاج مساعده في الثقه بالنفس 1*الحمد الله وصلت للمرحله اللي ميهمنيش فيها رأي اي حد متنمر ولا نظرات ولا همسات الناس
2*بقيت اقدر اوصل للناس اكتر محتاجه مساعده وبحاول اساعد الكل علي قد ما اقدر وبدون مقابل الحمد الله
3* اتخرجت من الدبلوم التجاره في وسط الناس متنمره وكلمات ونظرات طويلة تجرحني قررت اتخلص منها الحمد الله 4*اشتغلت علي نفسي وحبي لشغل الكروشيه والاكسسوارات والفن وبدأت اصمم منهم
رسالتي ليكم حبوا نفسكم زي ما انتم كلنا حلوين اوي اوي زي ما ربنا خلقنا ومفيش زي ما ربنا خلقنا ومفيش حاجه إسمها معايير جمال لاننا كلنا حلوين لان ربنا مبيخلقش حد وحش عوزه اشكر بابا وماما علي الثقه ده ربنا يخليكو لينا Buka / Bagaimana