2023-05-09 09:01:29
ሊዮኔል ሜሲ ከሳዑዲ አረቢያው ክለብ በዓመት 320 ሚሊየን ፓውንድ ክፍያ ቀረበለት
የባርሴሎና የቡድን አጋሮቹ ሰርጂዮ ቡስኬት እና ጆርዲ አልባ ወደ መካከለኛው ምስራቅ ሊያቀኑ ይችላሉ ተብሏል
ሊዮኔል ሜሲ ቀጣዩን እርምጃ ለመወሰን እስከ ውድድር ዓመቱ መጨረሻ እንደሚቆይ ተነግሯል
አርጀንቲናዊው ሊዮኔል ሜሲ ከሳዑዲ አረቢያ አል-ሂላል በዓመት 320 ሚሊዮን ፓውንድ እንደቀረበለት ተነግሯል።
የሰባት ጊዜ የባሎንዶር አሸናፊው ሊዮኔል ሜሲ በሳኡዲ ከቤተሰቦቹ ጋር ሲዝናና የሚያሳዩ ምስሎች ወጥተዋል።
የሳኡዲ የቱሪዝም ሚኒስትር አህመድ አል ካቴብ “ሜሲና ቤተሰቦቹ አስደናቂ የሳኡዲ የቱሪስት መዳረሻዎችን ለመጎብኘት መጥተው ስለተቀበልኳቸው ደስተኛ ነኝ” የሚል ጽሁፍ የታከለበት መልዕክትና ምስሎችን በትዊተር ገጻቸው ላይ አስፍረዋል።
ሜሲ በራሱ የኢንስታግራም ገጹ ላይ ከአራት ቀናት በፊት የሳዑዲን የቱሪዝም መዳረሻዎች የሚያስተዋውቅበትን ምስል ማጋራቱም የሚታወስ ነው።
“ሳዑዲ እንዲህ አረንጓዴ መሆኗን ማን ያስባል?፤ እስከቻልኩ ድረስ ብዙም ያልታወቁ ድንቅ ስፍራዎችን መጎብኜቴን እቀጥላለሁ፥ ሳኡዲን ጎብኙ” የሚል ማስታወቂያ ሰርቷል።
የሊዮኔል ሜሲ እና የፈረንሳዩ ክለብ ውል በሰኔ ወር መጨረሻ ይጠናቀቃል።
የ35 አመቱ ተጫዋች የሳኡዲ ጉብኝትም ከፒኤስጂ ጋር ለመለያየት መቃረቡን ያሳያል የሚሉ ዘገባዎች እየወጡ ነው።
የሳኡዲው ክለብ አልሂላል ሊዮኔል ሜሲን የአለም የተጫዋቾች ዝውውርን በመስበር ሜሲን ለማስፈረም ጥያቄ ማቅረቡ የሚታወስ ነው።[አል ዓይን]
@Bisrat_Sport_4_33 @Bisrat_Sport_4_33
81 views06:01