دليل الطالب السادس الابتدائي

2024-05-05 00:22:20 هل تعلم!
إن اسهل نسخة اسئلة وردت في الامتحان الوزاري لمادة اللغة العربية كانت في عام ٢٠١٤- الدور الاول.
لكن المشكلة أن الخطأ الواحد سيكلفك 5 درجات.
https://t.me/si_La Buka / Bagaimana

2024-05-04 22:54:58 Buka / Bagaimana

2024-05-04 19:45:58 خطأ يقع فيه أولياء الأمور والتلاميذ

للأنام - للناس
هذه الكلمات أصلها:
الناس
الأنام

وحروف الجر نعرفها كلنا وحتى تلميذ الابتدائية يعرفها ومن ضمن حروف الجر: (اللام)

عند دخول حرف الجر اللام على الاسم المعرف مثلا :
كلمة : أنام معناها (الناس وكل شئ فيه روح)
تصبح بعد التعريف : الأنام

عند دخول حرف الجر (ل)
تصبح : ل (الأنام)

( لالأنام ) .. للأنام

الهمزة همزة وصل ساكنة واللام القمرية ساكنة فحذفت الألف للتخفيف.

وكذلك:
ناس .. الناس .. ل( الناس)
لالناس .. للناس
حذفت الالف للتخفيف لالتقاء الساكنين.

هذه المعلومة يا أخوتي كل سنة أكررها مئات المرات .
تلاميذي يعرفوها ويفهموها بسرعة.
والكبار يعانودني بيهه.

آلاء طه
https://t.me/si_La
#دليل_الطالب
https://www.facebook.com/100045321693236/posts/pfbid02vAngR93M3wZ5AwnpTGbY9pZgwupfe2u7U3jwUnpZakD1mHKWJyGDjs8rLvqry82Cl/ Buka / Bagaimana

2024-05-04 11:34:44 زين إذا إجتنا كلمة: للأنام؟
نفس الحالة .. الأنام (إسم) معناه: (الناس وكل شئ فيه روح)، أصله : (أنام)
دخلت عليه أل التعريف ثم دخل عليه حرف الجر (اللام)..
اني أحذف اللام وأستخرج الحكم مثل ماشرحته قبل شوية.
ويكون الحكم : إظهار قمري لأن كلمة : أنام تبدأ بحرف(أ) والألف موجود بالعبارة بكلمة : إبغِ .

الله يوفقكم ويرزقكم النجاح حبايبي .
آلاء طه.

قناة التليكرام
https://t.me/si_La
#دليل_الطالب
https://www.facebook.com/100045321693236/posts/pfbid02k4DjwNiiwY9d6qXRaBtzRXJvby9n8YBaygAfseyQu7xhVAxaTuqPtRG6RfLW6j58l/ Buka / Bagaimana

2024-05-04 11:34:44 تلاميذ السادس الابتدائي
الست آلاء طه التربية الإسلامية:
تلاميذي الحلوين:

أحكام لام (أل التعريف) سهلة وماتحتاج شي ..
كل ماعليكم أن تعرفوا وتفرقوا بين لام (أل التعريف) و (اللام الأصلية) ..

شلون اعرفها حبايبي ؟

الكلمة اللي تبدي ب (أل) أقراها بدون (أل) وأنتبه إذا تبقى كلمة بيهه معنى، اذن هذي (أل التعريف) ودخلت ضيف عالإسم وإذا تخرج مايتغير معنى الكلمة يبقى إسم تام المعنى ..

مثال : الأرض

إذا أقراها بدون (أل) راح تصير : أرض
وكلمة أرض هي لا فعل ولا حرف وإنما إسم .
إسم للكوكب الذي نعيش عليه.. أو يكون معناها حسب الجملة.

إذن : هذي (أل التعريف) وفيها حكم وأستخرجها وأخليها بالجدول بحقل الكلمات ..

وبحقل الحكم شأكتب ياحلوين ؟

إذا أريد أعرف الحكم لازم أقرأ الكلمة بدون (أل) وأشوف الحرف الأول بالكلمة قبل لاتدخل عليها (أل التعريف) إذا موجود بعبارة : (إبغِ حجك وخَف عقيمه) يعني هذا حرف قمري
وإذا ماموجود بالعبارة يعني حرف شمسي ..

وآني شبهتلكم اللام بالنجمة والنجمة تظهر مع القمر ليلا .. صح لو مو صح ؟
أكيد صح .. لأن منشوف النجوم بالنهار ونشوفها بس بالليل ..

إذن نجمتنا اللام من تظهر مع القمر يعني راح تظهر وتلفظ مع الكلمات اللي تبدأ بحروف قمرية ..
يعني ياحلوين شراح أكتب بالحكم ؟

أرض تبدي بحرف (أ_ ألف) وحرف الألف موجود بالعبارة لو لا ؟
راح أروح أدور بعبارة ( إبغِ حجك وخف عقيمه) على حرف الألف . وين لكيت حرف الألف؟
لكيته بكلمة (إبغ)
اذن حرف (أ) حرف قمري
واني شكلت ؟
شبيهه النجمة ؟
تظهر مع القمر لو لا ؟
اكيد تظهرررر
يعني الحكم شراح يكون ؟
اظهار قمري
والسبب ليش ؟ لماذا؟
الجواب : لأن اللام دخلت على الحرف القمري(أ_ ألف) في كلمة الأرض.

ممتاز ياأبطال

مثال آخر :
اذا اجت كلمة مثل : (الدنيا) بالآية القرانية أستخرجها لو ماأستخرجها ؟

أول شي لازم أعرف هذي الألف واللام (أل التعريف) لو (أل اصلية)
شلون اعرف ؟
أقرا الكلمة بدون (أل) إذا بقت كلمة بيهه معنى إذن هي إسم وهذي (أل التعريف) وإذا مابيهه معنى يعني (أل أصلية) ..

(الدنيا) أقراها بدون أل تصير : (دنيا)
دنيا كلمة لا هي فعل ولا حرف وإنما إسم
ومعناها الدنيا التي نعيش فيها والتي تكون دار اختبار وليست دار قرار ..

إذن هذي الألف واللام شنو ؟
مادام بقى عدنا إسم بي معنى يعني هذي (أل التعريف)
وما دام (أل التعريف) يعني أستخرجها وأخليها بالجدول..

زين هسه خليتها بالجدول بحقل الكلمات (الأسماء) هسه أريد أبين حكمها .. شلون ؟

أجي أقرأ الكلمة بدون (أل)
راح تصير: دنيا
دنيا شنو أول حرف بيهه ؟ (د)
أجي ادور حرف (د) بعبارة: ابغِ حجك وخف عقيمه..
مالكيت الدال (د)
واني شكلت ؟
اني دائما أرسم يم العبارة هلال يعني قمر ..
يعني كل حروف العبارة حروف قمرية
والدال (د) مالكيته بالعبارة،
يعني الدال شبي؟
الدال شمسي

زين هسه أسألكم سؤال :
اللام النجمة تظهر مع الشمس لو لا؟
طبعا لا..
لان احنه مانشوف النجمة بالنهار يعني ماتظهر ..
يعني راح أكتب إدغام شمسي ..
لأن ماظهرت لام (أل التعريف) مالفظتها ..
زين شنو السبب؟
ليش صار الحكم ادغام شمسي؟ لماذا؟
لأن اللام دخلت على الحرف الشمسي (د-دال) في كلمة الدنيا .

أحسنتم ياأبطال .

زين سؤال :
إذا شفت بالآية كلمة (التي) أخليها بالجدول لو لا؟
شكلتلكم شلون اعرف؟
أول شي أقرأ الكلمة بدون (أل) راح تصير (تي)
عندي باللغة العربية إسم (تي) ؟
هل هو إسم إنسان (تي)؟
هل يوجد حيوان اسمه(تي) ؟
هل يوجد نبات اسمه (تي) ؟
هل يوجد جماد اسمه (تي) ؟ هل هو اسم جهاز كهربائي ؟ اسم ملابس ؟ اسم اي جماد ؟
طبعا لا

إذن راح تصير كلمة بدون معنى ..
يعني هذي الألف واللام (أل) شنو؟

هذي أصلية من بنية الكلمة يعني من أصل الكلمة وليست دخيلة على الكلمة ..
يعني ماأتحارش بيهه وماأخليها بالجدول .. ميصير

لان هو بالسؤال يكول :
ماحكم لام (أل التعريف)؟
وهاي مو (أل التعريف) .. يعني ماأستخرجها ياحلوين .
لأن هذي الكلمة مستثناة من حكم لام (أل التعريف) .. لأن هذي الألف واللام أصلية مو ضيف مو دخيلة على الكلمة ..

يعني شنو مستثناة ؟
يعني مابيهه حكم أل التعريف .. يعني (أل أصلية)
وعدنا بعد كلمات هوايه الألف واللام بيهه اصلية وتكون مستثناة من حكم لام أل التعريف..

واللي مذكورة عدنا بالكتاب :
(الله - الذي - التي - اللذان - اللتان - الذين) وغيرها
واضح حبايبي ؟

زين بقت ملاحظة :
إذا الإسم المعرف بأل التعريف دخل عليه حرف جر شأسويي ؟
بسيطة وسهلة ..
مثال : بالحق
أصل الكلمة هو إسم، (حق) ودخلت عليه أل التعريف
ثم دخل عليه حرف الجر (الباء)
اني بكل بساطة أحذف حرف الجر الباء وأستخرج حكمه مثل ما شرحنا قبل شوية ..
ويكون الحكم إظهار قمري لأن كلمة حق تبدي بحرف (ح) وهو قمري موجود بعبارة : (إبغِ حجك وخف عقيمه) وموجود بكلمة : حجك. Buka / Bagaimana

2024-05-03 18:46:42 السلام عليكم
أولياء أمور تلاميذ السادس الابتدائي
في هذا المنشور سنقوم بجمع أسئلتكم واستفساراتكم حول جميع مواد السادس، ويتم الإجابة من قبل كادرنا المختص، بشرط السؤال الذي يشغلكم ويحيركم غير مذكور في قناة التليكرام.
تحياتنا لكم

اكتبوا هنا:
https://www.facebook.com/100045321693236/posts/pfbid02uzjumFxyoYi37qgkihtytBQW673CXxgmbcvM6ZGGc2EndBxJfiEiiKnvqYHVpd9Rl/
#دليل_الطالب Buka / Bagaimana

2024-05-03 16:22:05 ملاحظة
الجموع في اللغة العربية ثلاثة:
١-جمع مذكر سالم:نهايته (ون-ين).
معلم :معلمونَ- معلمينَ.

٢-جمع مؤنث سالم: نهايته ( ات).
معلمة:معلمات.

٣-جمع تكسير: يكون بزيادة أو نقص على حروف المفرد.
كتاب:كُتُب.
قلم:أقلام.
مسجد:مساجد.
طائر:طيور. Buka / Bagaimana

2024-05-03 13:44:42 ملاحظة(ماذا نقصد بالمعارف+وماذا نقصد بالمفاعيل):
المعارف هي:
1-المعرف ب( ال).
2-اسم العلم.
3-المعرف بالإضافة.

المفاعيل هي:
1-المفعول به.
2-المفعول فيه(ظرف زمان+مكان).
3-المفعول المطلق. Buka / Bagaimana

2024-05-03 13:18:23 ملاحظة:
الاسماء التي تعرب بالحركات:
1-الاسم المفرد.
2-جمع المؤنث السالم.
3-جمع التكسير.

الاسماء التي تعرب بالحروف:
1-المثنى .
2-جمع المذكر السالم.
3-الاسماء الخمسة. Buka / Bagaimana

2024-05-03 09:40:36 ومن تكمل وتطلع لتروح تلعب وتضيع وقت ويه أصدقاءك.. إرجع للبيت ارتاح علمود تقرا الامتحان اللي بعده، لأن ماعندك مجال.
كمل الامتحانات وعندك عطلة كاملة تلعب وتغير جو.
ومن تطلع من الامتحان لتشكك الدفاتر لأن هذي ظاهرة تخلف.
ومن تنجح بإذن الله.. أُشكر الله واشكر أهلك، لأن الله هو الرزاق الذي رزقك هذا النجاح.
وأهلك تعبوا وعانوا بتدريسك كل هالسنين، ولهذا كلمة شكر أقل شي تقدمه لأهلك لأن الأهل أغلى نعمة يمتلكها الإنسان.
ربي يحفظكم ويحفظ أهلكم ويرزقكم السلامة والنجاح بأعلى الدرجات يارب.
دعائي لكم
آلاء طه. Buka / Bagaimana