2023-04-04 17:51:52
Motivatsiya xavfli(mi?) Insonning diqqati chegaralangan. Resurslari ham. Ma'lum muddatda tormozlanish yoki finish nuqtasini his qilish ham shu sababdan.
Lekin istalgan progress davomiylikni talab qiladi.
Davom etish uchun esa turtki kerak. Kimdir/nimadir sizni turtib yuborishi (ba'zilarni esa yaxshigina tepib yuborish) kerak. Ho'p, bu turtkini pardozlangan formati – motivatsiya!
Zamonaviy mehnatkashning shikoyati - motivatsiya yo'qligi.
Bobo/buvingiz motivatsiya qidirganini ko'rganmisiz? Kulgili eshitiladi-a?
Lekin Z avlod uchun kulgili emas, dilemma bu.
You tube platformasida millionlab prosmotr oladigan bu mavzu o'z-o'zidan ehtiyoj va talab borligini ko'rsatadi. To'g'ri, ancha chaynalgan mavzu, lekin aktualligini yo'qotmaydi.
“O'rningdan tur,endi yugur, dumala. Qo'lingdan keladi,uddalaysan haa qani” deydigan haybarakallachilar odatda bir xil kontent qilishadi. Qarshi emasman, negativ fikr bildirmoqchi ham emasman. Yaxshi.
Kimdir manfaat, foyda oladi.
To'g'ri, uddalaydi. Buni o'zi ham biladi. Lekin qanday?
Ana, qayer og'riydi
“Eng qiyini - xohlayotgan narsangni qilish emas,nima xohlayotganini bilish” -degandilar Aziz Rahimov.
Aksariyat ko'pchilik nima xohlayotganini bilmaydi. Ya'ni, ko'p xohishlarimiz jamiyat standardlaridan o'sib chiqqan, ichki talabdan emas.
Suv ichish uchun qayerdan motivatsiya olasiz? Ovqat yeyishga-chi? A labbay?
-”Jinnimisiz, Ruhshi . Savolni qarang, bu uchun motivatsiya kerak emas”.
Motivatsiya emas, talab bor.
Haqiqatdan istaganingiz uchun motivatsiya kerakmas. U nisbiy va bitta omilgan borib taqalmaydi. Hammada bor, balki ishlatilinmagan, uyg'onmagan bu motivatsiya jonivor
Endi sarlavhachamizga qaytamiz.
Miya asabiy energiya ishlab chiqaruvchi hujayralar to'plami- retikulyar formatsiya deb ataladi. Kolxozlashtirib aytsak, miyamiz zaryadkasi bu retikulyar formatsiya va unda ma'lum sig'im bor. Bu sig'im sizning qobilyatingizdan kelib chiqib shakllangan. Miya maksimal qo'lingizdan nima kelishini biladi. O'lcham bor.
Siz esa bundan bexabar kaaatta yuklama berasiz miyaga. Ya'ni kechqurun You tube titib motivatsion video ko'rasizda, ertadan boshlab zalga chiqasiz, til o'rganasiz, 100 betlab kitob o'qiysiz, biznes boshlab allaqachon biror milllion dollar ham topib qo'yasiz (yoningizda Elon Musk hijolat ) Vaaa lekin ertalab yana o'zingiz bo'lib uyg'onasiz. Eski hammom eski ...
Siz miyaga katta yuklama beraverasiz,miya imkoniyatingizni hisobga olib yoki energiya tejash maqsadida aytganingizni qilmaydi.
Yana motivatsiya beraverasiz,natijani xohlaganingizday ololmaysiz. Xullas, miyangiz bilan urushib qolasiz.
Qolaversa, motivatsiya narkotikka o'xshaydi. O'rganib qolasiz. Me'yor yaxshi.
Uzoq davom etuvchi motivatsiya ichkaridan chiqadi. Buning faktori - kichik natijalar, kichik ammo davomiy harakatlar.
Eng yaxshi motivatsiya bu qo'rquv, meningcha. Chunki, eng yaxshi trigger ham qo'rquv. Motivatsiya bo'lmasligi mumkin,lekin qo'rquv doim bo'ladi.
10-20 yildan keyinga qo'ygan maqsadlaringiz bor. O'sha 10-20 yildan keyingi o'zingizdan hammasiga qanday erishganizni so'raysizmi yoki nega qilishiz kerak bo'lgan ishlarni bila turib harakat qilmaganingiznimi?
@rruhshi_me
868 views14:51
R
