2023-05-13 15:10:39
#حصرياً نعي للاهل والفراق
❥ـــــ☆ــــــ●ــــــ☆ـــــ❥
الوجـــــــع بـيه طفح حده
وماي العمـــــــر مني تبده
ياشـدتي شـــــدتها شـــده
وين الحنين الاشكي عنده
❥ـــــ☆ــــــ●ــــــ☆ـــــ❥
مـــــــرت عليـــه وزامطتني
وعدليــــن اهلها وعيرتنـــي
سمعتها وهدل ابني البمتني
حجاية هلج ويـــــن المتني
❥ـــــ☆ــــــ●ــــــ☆ـــــ❥
ما مش اهل ما مش گرابه
كلمــــن رحـــل سـداه بابه
گلبي وعلي صـــاير خرابه
سهم الهـجر بنياطه صابه
❥ـــــ☆ــــــ●ــــــ☆ـــــ❥
خربان گلـــبي وبيتي خربان
من شالو ورحلـــــــو الوليان
عـــــــنو عليه الكلهم احنان
انه لتبع ضعنهم وين ماچان
❥ـــــ☆ــــــ●ــــــ☆ـــــ❥
ماضـــل تـــرة للروح ونــسه
وگلولـــي بله ياهــي الانسه
اجروح الگبل لو مال هـــسه
امن التعب صوتي راح حسه
❥ـــــ☆ــــــ●ــــــ☆ـــــ❥
ويامن نســــولف ضيم الگلوب
بخنگة الروح وفيــــي الغروب
يون الگلــــب فاگده محـــبوب
مو نبي وصبري يصير جندوب
❥ـــــ☆ــــــ●ــــــ☆ـــــ❥
مثل الشــــمع صبـيت الدموع
ضعن الحبايـــب ماله مرجوع
وماعندي غير الحزن موضوع
محد يــحس بيه انه موجوع
❥ـــــ☆ــــــ●ــــــ☆ـــــ❥
خلصـــو هلي وفلت العشره
ومامش حنيـــــن الي نمره
وعن ضيــــمنه نگعد نخبره
يهلي الگلب چندوب صبره
❥ـــــ☆ــــــ●ــــــ☆ـــــ❥
جندوب اگــل للگلب اصبر
اعله الهظم واعله التمرمر
لو حجـــر جا هم يتفــطر
مل گلـبي حـيل ﷲ اكبر
❥ـــــ☆ــــــ●ــــــ☆ـــــ❥
ضعن الاهل عده وجزاني
شلـون ماتكـــــثر احزاني
من ازمان للـــــشالو اتاني
محـــــد لفه لـيه واجاني
❥ـــــ☆ــــــ●ــــــ☆ـــــ❥
بقلم شاعرتي اهل البيت (؏)
نورس الحلفي_رحمة ﷲ تحسين
لا نجيز حذف الاسماء أو التلاعب بالكلام
غير مبري الذمه من ينسب الكلام إله
https://t.me/nawrasalhalfy
1.0K viewsالشاعره نورس الحلفي, 12:10
ا
