2023-05-16 21:50:50
قصيدة للامام الصادق ع {شيوخ اهلك} شيوخ اهلك عله الوادم يحكمون
علمهم شاع صيته وزلزل الكون
❥❥❥❥ـــــــــــــ❁❁ـــــــــــــ❥❥❥❥
شيوخ اهلك وساده وصيتهم شاع
الهم زود اهلك زلزل الكاع
شالوها الحميه وحلوه الاطباع
[ بحجايه ـــ اهلك ماثنو ]
❥❥❥❥ـــــــــــــ❁❁ـــــــــــــ❥❥❥❥
حجايتهم السيف اهلك يمهيوب
الهم بالشدد مارجفت اگلوب
زود ومرجله لو طبو احروب
[ خياله ـــ اهلك بالملعب ]
❥❥❥❥ـــــــــــــ❁❁ـــــــــــــ❥❥❥❥
يبوالكاظم هلك ركابة الخيل
يا اهل العباده الگامو الليل
يعدلونه الحمل لو بالحگ يميل
[يعدلونه ـــ الحگ لو مال]
❥❥❥❥ـــــــــــــ❁❁ـــــــــــــ❥❥❥❥
ياخلفة السادة والميامين
وسفه بسم تموت وتغمض العين
الشيعه اليوم يالصادق محزنين
[ محزونه ـــ الشيعه لموتك]
❥❥❥❥ـــــــــــــ❁❁ـــــــــــــ❥❥❥❥
لمصابك الشيعه حزنت اليوم
لاجلك لابستها سود الاهدوم
الوسفه عليك ها يابحر العلوم
[ ياهيبه ـــ شلون تغرب ]
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
https://t.me/nawrasalhalfy
841 viewsالشاعره نورس الحلفي, 18:50