2023-09-30 14:08:00
آخر قرارات العام الدراسي الجديد.. من الابتدائية للثانوية:
= امتحانات الثانوية العامة ٢٠٢٤ نسخة طبق الأصل من امتحانات الثانوية العامة ٢٠٢٣.. ٨٠٪ أسئلة اختيار من متعدد والإجابة (بابل شيت) و٢٠٪ أسئلة مقالية.
= امتحانات الشهادة الإعدادية ستكون إما بنظام البوكليت، أو بالنظام التقليدي (ورقة أسئلة وورقة إجابة).. وستكون كل محافظة حرة في اختيار النظام المناسب.. إنا بوكليت (الإجابة في نفس ورقة الأسئلة) أو بالنظام المتبع منذ سنوات (ورقة أسئلة + ورقة إجابة).
= تخفيض حجم الكتب المدرسية لجميع الصفوف الدراسية بدا استثناء.
= تعليم اللغات الأجنبية لطلبة التعليم الفني تمهيدا لتوظيفهم في دول عربية وأوروبية حسب التخصص وذلك استجابة لطلب بعض الدول بشكل رسمي للعمالة المصرية التي تخرجت من المدارس الفنية المصرية.
= حضور أول يوم دراسة هيكون للصف الأول الابتدائي والأول الإعدادي والأول الثانوي.. وباقي الصفوف سيتحضر تباعا.. مش كل الطلبة هتحضر في أول يوم دراسة (تابع جدول المدرسة بتاعتك علشان تعرف معاد حضور ولادك في أول أسبوع دراسة).
= نشر كتب تعليمية على موقع وزارة التعليم بها ملخص لكل درس وكل وحدة دراسية.. يشرح بسيط وسهل هيغني الطالب عن أي كتب تانية.. والكتب التعليمية اللي على موقع الوزارة فيها تدريبات وأسئلة للطالب يجاوب عليها علشان يعرف مستواه في كل درس + إطلاق بنك أسئلة من ٤ ابتدائي وحتى ٣ ثانوي علشان الطالب يتدرب طول الوقت على شكل الأسئلة وملخصات كل درس + في نهاية كل امتحان الطالب هيعرف مستواه ونقطة الضعف عنده.. والأسئلة دي نسخة طبق الأصل من الامتحانات اللي هتيجي للطلبة سواء في صفوف النقل أو الشهادة الإعدادية والثانوية العامة (ركزوا عليها).. يبقى كدة عندك ملخصات للمنهج وعندك أسئلة لدروس المنهج كله.
= هيكون فيه يوم كل أسبوع بكل مدرسة بدون دراسة ولا الطلبة هتدخل الفصول.. يوم رياضي أو ثقافي أو فني.. ولكن بدون دراسة.
= هيكون فيه امتحان شهري لطلاب صفوف النقل (من رابعة وحتى ٢ ثانوي).. امتحان نهاية أكتوبر، نهاية نوفمبر، نهاية ديسمبر.. الطالب هياخد درجة أعلى امتحانين من التلات امتحانات.. ودرجة الامتحانين هيكونوا أعمال سنة للطالب.. والامتحان الشهري هيكون قصير وعبارة عن كام سؤال هتحطهم المدرسة والطالب يجاوب في الحصة.
= التابلت مستمر لأولى وتانية ثانوي.. والتشعيب مستمر في الثانوية العامة.. ومفيش تحسين إلا لما القانون يتعدل.. وغالبا مفيش تحسين السنادي خالص (وكلامي عن الثانوية العامة).
= مفيش واجبات مدرسية لرياض الأطفال.. مفيش امتحانات خالص للطلاب من أولى وحتى ٣ ابتدائي.
= تطبيق اللغة الثانية في المدارس ابتداء من العام الدراسي المقبل (٢٠٢٤- ٢٠٢٥) يعني اللي رايح من ٦ ابتدائي لأولى إعدادي السنة الجاية هيكون أول حد يطبق عليه اللغة الأجنبية الثانية (الطالب يختار لغة تانية مع الإنجليزي- يعني هيختار فرنساوي إيطالي أسباني صيني) لكن مفيش لغة تانية السنادي.
= أي مدرسة محتاجة صيانة وفيها خطورة مش هتفتح السنادي ولا هتستقبل طلبة.. وطلابها هيتوزعوا على مدارس تانية فترة مسائية.
= تسليم الكتب الدراسية مع أول يوم دراسة، والسماح للمدارس التجريبية بتقسيط المصروفات أسوة بالمدارس الحكومية والخاصة.
= تعيين المعلمين الجدد في مسابقة ال٣٠ ألف معلم، خلال أيام والسماح للمديريات بالتعاقد مع معلمين بالحصة وتخصيص ٤٠٠ مليون جنيه لمعلمي الحصة.
= الفصل عدة أيام أول النقل من المدرسة أو النقل خارج الإدارة التعليمية أو تحويل الطالب للمنازل.. إذا قام الطالب بشغب أو اعتدى على زميله أو معلمه بالقول أو الفعل.. وإقالة مدير المدرسة اللي يرفض تطبيق العقوبة.
الصحفي الأستاذ/ أحمد حافظ
13.1K views11:08
ا
