طالب تالته ثانوي من عادته بيفضل يأجل المذاكرة وهوب يلاقي نفسه | المرحلة الثانوية | كن مجد

طالب تالته ثانوي من عادته بيفضل يأجل المذاكرة وهوب يلاقي نفسه دخل في فترة امتحانات آخر السنه.
السنه حقيقي أقصر مما تتخيلون .
شهر 10 ده يعتبر البداية الحقيقية والفعليه للثانويه العامه
يعني خلاص طالما شهر 10 دخل المفروض تكون استقريت على المدرس إلي هتكمل معاه لحد آخر السنه ، حاليا مينفعش تغيير المدرس تماماً.
المفروض مع بداية شهر 10 تبدأ بدايه جديده كلها جد واجتهاد وتحافظ على وقتك وتتجنب تضييع وقتك على الفيس لأنه مش هيفيدك وافتكر أنه الفيس دائم أما الثانوية لن تدوم ولو ملحقتش نفسك يوم النتيجة بالتأكيد هتندم علي الوقت الي ضاع .
حقيقي لو مبدائتش بداية حقيقية الشهر ده فانسي انك تبدأ أصلا
مناهج النظام الجديد محتاجه حل كتير وتعب مش زي النظام القديم هتلم المناهج في شهر ولا شهرين متخليش حد يضحك عليك ويبيعلك الوهم .
بجد اقوم وأبدأ عشان متندمش الأيام بتجري ومش بتحس بيها .
ارمي أي مشاكل ورا ضهرك
بيع الدنيا كلها بما فيها وركز في مذاكرتك
صاحبك الي بتخرج وتلعب معاه مش هيفيدك ، الفيس مش هيفيدك ، البلايستيشن مش هيفيدك
الي هيفيدك هي مذاكرتك وبس ابعد عن أي شخص ممكن يكون عائق أمام تحقيق حلمك ، ابعد عن أي شخص ممكن يحبطك .
فكر في أمك وأبوك الي مقصروش معاك
فكر في الغلابه الي نفسهم تفرحهم يوم النتيجة وترفع رأسهم .
فكر في الي بيكرهوك وافتكر أنهم هيشمتوا فيك يوم النتيجة فذاكر عشان مش تديهم فرصه يشمتوا فيك
#تحفيز_مو_رزق