2023-04-29 10:10:43
سخاوت سیز،صداقتسیز آدامی
توکوب بازارلاردا ساتاسان گرک
نانجیب قوهومو، بی وفا دوستو
ووراسان قئیدینی آتاسان گرک
جان فدا ائده سن لاییق اینسانا
دولان سن باشینا، قوی قالسین حیران
یاخچی دوست بیریانا، دونیا بیر یانا
جانیننان یوخاری توتاسان گرک
نامردین ائوینی اِیلمه مکان
هر گلن آداما اولمایین توکان
مرده قیزیل گول اول،نامرده تیکان
گونده گوزلرینه باتاسان گرک
آی ماحمود دونیادا مرد کیمی یاشا
قوی اائل اوبا سنی باسماسین داشا
دوست اولدونسا یاخشی چیخ باشا
یاغلی‌سین، یاوانین اوتاسان گرک
@ASHIQLAR20
4.8K views07:10
ع
