2023-07-02 17:21:01
"دونیادا"
بیر آی یاریم نوباهاردان گئدنده،
کؤنول گشت ائیله ییب، گزه دونیادا.
سیررینی وئرمئینن دوشمنه _ دوستا_
اینانماینان هر جور سؤزه دونیادا .
عجل گشت ائیله ییب گؤیدن إننده،
حاییف جاوانلاری سالیر کمنده
هر زامان بونلاری گؤزوم گؤرنده،
کؤهنه یارام اولور تزه دونیادا .
عزراییل بیر کس دی گؤرونمز گؤزه
نه عاغیلا باخار نه ده کی سؤزه
ایندی ده گؤزونو زیلله ییب بیزه_
توتوب من فاغیری قضا دونیادا .
گئجه لر قوینوما گیرن کیمسنه
گیزلین سیررلریمی بیلن کیمسنه
اؤله جک دی، کیمدی قالان کیمسنه
ایسته ییر یاشاسین یوزه دونیادا .
بیر انسان کی حاق دئدییین بیتیرسه،
هر مجلیس دن بیر معریفت گؤتورسه،
آتا_آنا سؤزون یئرنه یئتیرسه ،
او یقین کی چکمز جزا دونیادا .
لقمه دن کج اولان، آغیلدان قانماز،
لوبباز آدام مرد قاباقدا دایانماز،
آدام وار کی دئدییین دن اوتانماز،
هئی هرزه دانیشار اوزه دونیادا .
"علسگرین" سؤزون إئشیتسین ائللر
بیتسین بنؤوشه لر_آچیلسین گوللر
هر زامان اوخویور شئیدا بولبول لر
اودا عاشیق اولوب یازا دونیادا.
دده‌علسگر
htt
5.0K views14:21
ع
