بكره باذن الله كل الغمامة الحاصلة دي حتزول وباذن الله ايامنا ا | لا شيء مستحيل...💙🌏
بكره باذن الله كل الغمامة الحاصلة دي حتزول وباذن الله ايامنا الاولى حترجع . بس انتو حتكونو كيف ؟ مدمرين نفسيا ؟ عايشين دور الضحية ؟ مستقبلكم ضاع ؟ ايمانكم اهتز؟ شغلكم وقف؟ حياتكم انتهت ؟ هل عايزين تكونو كده هل حتسمحو لظروف صعبة وقاسية انها تنال منكك م قلت م حتأثر لانو مستحيل الحاصل حاليا م يترك اثر عليكم. م عايزين نستسلم يجماعة م عايزين دايما الحياة تقسو علينا م عايزين دايما الظروف حقت السودان ترسم حياتنا ومستقبلنا الاجازة طولت خلينا ننفض ونقوم . اولا الحالة النفسية حقتكم اشتغلو عليها كويس شديد م تتأثرو م تدخلو في حالة التشاؤم والاكتئاب والكلام الكتير الخ... تانيا القراءة وممارسة الهوايات وتنميتها حاليا م ف جامعة شغالة وم ف شغل نمو مهاراتكم عشان لو طلعتو من الحرب م تقولوا ي ريت لو استفدت من زمني م تقولوا لي م عندي نفس لا لازم تشتغلوا ع مهاراتكم مواهبكم. تالتا ابدو فكرو في بزنس عالمي م يعتمد ع الاقتصاد والاحوال حقت السودان رابعا ادخلو كورسات اون لاين وشوفو العالم ماشي كيف واستفيدو من وقتكم .!