2024-05-25 17:58:08
ပြည်တွင်းကို ကျားဖြန့်လိမ်လည်တဲ့ပုံက အရမ်းရှင်းပါတယ်
အဲ့ဒါကို မိတ်ဆွေတို့နားလည်နေရင် ကျားဖြန့်က မိတ်ဆွေတို့ကို လိမ်လို့မရတော့ဘူး
သူတို့လုပ်ပုံက ပထမဦးဆုံး မိတ်ဆွေတို့ကို ပိုက်ဆံနည်းနည်းပေးပါမယ် ၊ Youtube ကို Subscribe လုပ်ခိုင်းတာပဲဖြစ်ဖြစ် အခြားနည်းလမ်းတစ်မျိုးနဲ့ပဲဖြစ်ဖြစ် မိတ်ဆွေတို့ဆီကို ငွေပို့ပေးမှာပါ ၊ ထောင်ဂဏန်း သောင်းဂဏန်း သိန်းဂဏန်းအထိ ပေးရင်လည်းပေးပါမယ် ။ အဓိက သူတို့လိုချင်တာက မိတ်ဆွေတို့ဆီက ယုံကြည်မှု ပါ ။
ပိုပြီးယုံကြည်လာအောင် ကျားဖြန့်တွေချည်းရှိတဲ့ Group တွေထဲလည်း ဆွဲသွင်းပြီး သူတို့အချင်းချင်း ဘယ်လောက်တောင်ရတာဆိုတဲ့ စကားတွေကြား နစ်မျောသွားအောင်ပါ ။
ဒုတိယအဆင့်အနေနဲ့ မိတ်ဆွေတို့ကလည်း ယုံကြည်လာပြီဆိုရင် လောဘလည်းနည်းနည်းတက်လာပီဆိုရင် ဘယ်ဝက်ဆိုက်ကတော့ဖြင့် ဘယ်လောက်ရင်းရင် ဘယ်လောက်တောင်ရတာဆိုပြီး ရင်းနှီးငွေထည့်ခိုင်းပါမယ် ။ ရင်းနှီးငွေက သိန်းဆယ်ဂဏန်းကနေ ရာဂဏန်းအထိလည်း ဖြစ်နိုင်ပါတယ် ။
သတိပြုရမှာက လိမ်မယ့်သူက ငွေအမောက်များအောင် စောင့်နေတာပါ ။ သိန်းဆယ်ဂဏန်းအထိ ပြန်ပေးနိုင်ပြီး ရာဂဏန်းဖြစ်လာတဲ့အထိစောင့်နေတာပါ ။ အဲ့ဒါကိုယုံပြီး ရာဂဏန်းသွားထည့်ရင်တော့ ပလုံပီပေါ့ကွယ် ရေစက်သာချလိုက်ပါတော့ ။
အွန်လိုင်းမှာ ရင်းနှီးငွေထည့်ပြီး ငွေပြန်ရတယ်ဆိုတာ အလိမ်အညာတွေချည်းပဲဆိုတာ နားလည်သဘောပေါက်ထားရင် မိတ်ဆွေတို့ ဘဝတစ်လျှောက်လုံး အလိမ်မခံရတော့ပါဘူး ။
မေတ္တာဖြင့် Ye Thar
9.1K views14:58