2023-05-17 19:58:47
Buxoro sari
Bugungi kun haqida shaxsiy fikrlarimni bildirishni lozim topdim. Buxoro shaxrida bo'lib o'tadigan talabalar o'rtasidagi "Intellektual haftalik" uchun saralash o'yinlarida qatnashdik. O'tgan yilgi "Intellektual olimpiada" baxslariga nisbatdan bu safar O'zXIA terma jamaoasi o'zgacha tarkibda yetib keldi. Akademiyaning tajribali va olimpiadada ishtirok etgan
Abbosxon Saydaliyev, Abdulhamidov Abdulhamid, To'xtaev Abrorxo'ja va Allaberganov Otabek kabi bilimdonlari bu safargi tarkibga jalb etilmadi. Ularning o'rnini kelasi yilda akademiyaning yetakchi bilimdonlariga aylanishi kutilayotgan
Isxoq, Odilbek va
Ulug'bek (Katta Og'a jamoasi a'zolari) kabi zakovatchilar bilan to'ldirildi. Akademiyamizning tajribali bilimdonlaridan biri
Islom Bo'riyev ham bugun betobligi ishtirok etmagan bo'lsada, Buxoroda u kishidan jamoaning umidlari katta. Shuningdek psixologiya yo'nalishi bitiruvchilaridan biri bo'lgan
Soliyev Otabek ("Radiant" jamoasi a'zosi) ham ro'yxatga qo'shilgan. Shuningdek jamoa sardori
Muzaffar Mahammatkarimov va kamina
Suvoriy jamoani to'liq bo'lishini ta'minladi.
Jamoadagi keskin o'zgarishlarga qaramasdan, saralash baxslarini yaxshi o'tkazdik. I tur o'yinlarida to'g'ri variantlar orasida barchasini olib qolishni uddaladik.
2ta xato qildik. Dastlabki Vladimir Jonibekov va kino iqtibos haqidagi savollarni javobiga yetib bora olmadik. Umumiy ishtirok zo'r bo'ldi. Hamma munosib ishtirok etdi. Jamoaviylikni his qildim o'yin davomida. Natijalarni ko'rib kayfiyat yanada yaxshilandi.
II turni ham umumiy olganda yaxshi natija bilan yakunladik. 1-tur eyforiyasi bilan o'ynab Buxoro yo'llanmasini deyarli naqdlashtirib qo'ydik. Oqsagan jihatlarimizni ham ko'rib oldim. Natija juda yomon bo'lmadi!
III tur nisbatdan passiv boshlandi. Menimcha, xato tuzilgan DTM haqidagi g'alati savolni o'tkazib yuborgach, e'tiborsizlik tufayli izidan student javobli savol ham uxladi. Kayfiyat biroz buzildi. Umumiy natijalar e'lon qilingach, kayfiyat o'ziga keldi. Tur davomida kuchsiz jihatlarimiz yaqqolroq ko'rindi.
O'zimizdan tashqari bo'lgan jamoalar haqida ham fikr bildirmqochiman. Nizomiy universitetining optimal tarkibsiz o'ynagani va saralashdan o'ta olmagani men uchun kutilmagan holat bo'ldi.
Alisher Navoiy nomidagi til va adabiyot universitetining omadsizligi uchun rosti achindim. Ular o'tgan safar ham olimpiada saralashidan alamli tarzda chiqib ketishgandi. Qizlarni ko'zida yosh, bolalarni esa yuzida g'amginlik hukmron edi. Akademiyaning norasmiy ligasida ular mehmon sifatida ishtirok etib kelmoqda. Natijalari ancha yaxshi. Zakovatni tutini chiqqan joydan qolmaydigan jamoa .Ularni yetakchilarini bilganim uchun ham aytyabman, ular bunga munosib emas edilar...
Buxoro safari omadli bo'ladi deb umid qilaman!
99 views16:58