#أولياء_الأمور اهتموا بـ ولدكم و بناتكم و صيروا سند الهم | سنتر السادس | Al-Santer
#أولياء_الأمور
اهتموا بـ ولدكم و بناتكم و صيروا سند الهم بـ هل الفترة الصعبة ( دراسيا و عمريا ) سمعوهم كلام إيجابي و يعزز ثقتهم بنفسهم ،
بس مو تجي تتصرف غلط نيتك تريد نجاحه و انت دائما تقارنه ويا غيره او دائما تتحسسه بالفشل و التقصير او ما توفره الأجواء المريحة بالبيت عامله بمعاملة صحيحة ع ضوء جيلهم مو ع ضوء جيلك و المعاملة ما تقتصر بس على الفلوس و توفره كلشي وانما يحتاج أمور أعظم من هاي الي هي الكلمة الطيبة التصرف الصح توفر اله اجواء مريحة بالبيت مو عبارة عن صياح و مشاكل و خطار و هوسة ..الخ
و سند الولد/الابنية و نجاحهم و فشلهم هو ٥٠% من عاتق الاهل و مسؤلياتكم مو تجي دكله موفرك اني فلان شيء وفلان شيء .. الخ و ابن خالتك احسن منك ! ( لا هيج انت جاي اطيح حظه و ادمره نفسيا و دراسيا ) نيتك تريده ينجح و يتحسن بس تصرفك غلط .
