IBROHIM ADHAMNING QULI Ibrohim ibn Adham hazratlari oʻziga bir | Jaloliddin Rumiy 🕊
IBROHIM ADHAMNING QULI Ibrohim ibn Adham hazratlari oʻziga bir qul sotib oldi. Quldan: –Isming nima? - deb soʻradi. Qul: –Nima deb chaqirishni istasangiz ismim shu, -dedi. –Nima yeysan? - deb soʻraganda: –Nima bersangiz shuni, – deb javob berdi. –Nima ish qilasan? –Qanday ish buyursangiz, oʻsha ishni? –Nimani orzu qilasan? –Kulning biror orzusi boʻlishi mumkinmi? Uning orzu bilan nima ishi bor? - degan javobni bergach, Ibrohim Adham hazratlari oʻziga oʻzi: –Ey, Adham! Ajabo, sen umring boʻyi Robbingga shunday qul boʻla oldingmi? Qullikni mana shu quldan oʻrgan, - deb yigʻladi.
