هذا البشر كله امل هذا البشر محبوبي يانور نازل من سمه نورهه كل | الشاعر سجاد الدراجي
هذا البشر كله امل هذا البشر محبوبي
يانور نازل من سمه نورهه كلهه دروبي
***
ياخيمه الحب الحرب ياسيد الحنانه
ياوجه شايل بس عشگ وتخبلت بلوانه
ياشخص مثله ماشفت حاضر بكلشي ويانه
شايل العضمه هلبشر داخت ويا عدوانه
****
هذا البشر كله امل هذا البشر محبوبي
يانور نازل من سمه نورهه كلهه دروبي
***
افدي بروحي ومهجتي وفدي بعد قرباني
شخصيه مابين البشر عالي صدك خلاني
وانشني مابين الصفر عالي القدر سواني
ابن الصدر شايل ذخر وعضم بشر بلساني
****
هذا البشر كله امل هذا البشر محبوبي
يانور نازل من سمه نورهه كلهه دروبي
***
ياشيبه منك من نشم جن جنه الله بكاعه
منك لون يصدر امر نحتل الكاع بساعه
واحدنه ماينذل صعب يوجع بطك ذراعه
زلمك وتعرفهم بعد بلحرب طك طركاعه
*
هذا البشر كله امل هذا البشر محبوبي
يانور نازل من سمه نورهه كلهه دروبي
***