2022-07-01 11:27:46
ــ ڕێگەی ماچ ــ
بە میسلی تۆ گوڵی نێرگس لەنێو دڵما ئەگەر بێ
کە زەهری مار لەسەر لێوم بە جێی شەهد و شەکەر بێ
بەڵێنی حۆری و باغ و بەهەشتم لا حەرامە
دەبا بێ تۆ کەلاوەی دڵ لە زونناری سەقەر بێ
سەدان کەس گەر بڵێن شێتە، ئەسیری بسکی تۆمە
فیدای تاڵێکی ئەگریجەت ئەگەر دووسەد نەفەر بێ
کەمەر چەم بێ وەکوو گۆچان ،کە مەرگم بێتە ڕێگا
بە پێش مەرگت ئەگەر مەرگم لەسەر سمت و کەمەر بێ
لە باوەشتا لە من گیان و لە تۆ قەبزی ڕۆحی من
جەهەننەم، مەیتی بێ گیانم کە دوو غوسڵی لەسەر بێ
دڵی مەهجوور لە بۆ ماچێ وەها خولقاندی پێنووس
ئەدی با ڕەخنەگر ئەوڕۆ لە دەوری وەک چەمەر بێ
دەپێوم ڕێگەیی ماچت بە هەر شێوە بفەرمووی
بە ژان بێ ماچی ئەو لێوەی لەڕێگەی بێ خەتەر بێ
هۆنراوە و دەنگ #مەهجوور
#ناسرغوڵامی_سەقز
@naserghollami
@naserghollami
842 viewsمەهجوور , 08:27
ن
