اهرب بجلدك لو لقيت نفسك فى واحده من 4 مراحل فى اية فى سورة الح | لُـطـف"فـف 🤎🪐))-
اهرب بجلدك لو لقيت نفسك فى واحده من 4 مراحل فى اية فى سورة الحديد بتلخص اربع مراحل بيضيع بعدها الانسان "ولكنكم فتنتم أنفسكم وتربصتم وارتبتم وغرتكم الأمانى حتى جاء أمر الله" -المرحلة الأولى : "فتنتم انفسكم" .. ان الانسان يحط نفسه فى الفتنه.. الفتنه ممكن تكون فلوس حرام.. علاقة حرام.. نظرة حرام.. ظلم الناس.. الى اخره -المرحلة الثانية : "وتربصتم" .. يعنى قمت بتأخير وتأجيل الخروج من الفتنه.. ممكن الانسان يشعر بقوة رائحة السجائر لو حد بدأ يدخن جنبه فى الاول .. بس لو معاك مدخن دائم فى البيت هتتعود وتبقى الريحة طبيعية.. هى دى "فتربصتم" .. ان الانسان يأخر الخروج من الفتنه ويطول فى القعده فيها اوى .. لحد ما تبقى شىء طبيعى - المرحلة الثالثة.. "وارتبتم" لما الفتنه تصبح شىء طبيعى .. بيتاخد من الانسان تدريجيا ايمانه ويبدأ يتشكك فى دينه (ارتبتم). اللى هو طالما كده كده ضايع يبقى مش هتفرق لما اسيب الايمان كمان يضيع. -المرحلة الرابعه .. "وغرتكم الأمانى" الانسان بيفقد حاجتين .. تعلقه بالجنه وما عند الله من الثواب وكمان الخوف من النار .. كل اللى فارق معاه الدنيا ومتعها والفتن بتاعتها (الامانى) فقط وليس للاخرة نصيب فى قلبه... ويفضل الانسان تايه فى المرحلة الرابعه لحد امتى.. تكملة الاية "حتى جاء أمر الله" اللى هو الموت.. والاية اللى بعدها فيها وعيد شديد لما بعد ذلك. ليه ربنا بيخبرنا بالمراحل الاربعه دى؟ عشان الانسان ينتبه..يحاول يتجنب انه يقول انا جامد ومش هقع فى الفتنه.. او انا عارف نفسى وقعت اه بس هاطلع منها فى المستقبل ان شاء الله..خلينى شوية كده بس... الاية اللي بعد اية الوعيد فيها نداء رائع من رب العالمين لأي انسان مننا في اي مرحلة من المراحل الاربعه عشان يرجع تاني ليجد رب رحيم ودود يفرح بتوبة عبده.. الايه بتقول.. ألم يأن للذين امنوا ان تخشع قلوبهم لذكر الله.. يعني هو مجاش بقا وقت التوبه
