مذكرات تائب 8 بقولك ايه انت قلت متتكسفش وتسال صح اه صح اسال يا سيدي النهارده كنت روحت الجامع اصلي بس انا كنت فاضي فروحت بدري شويه المهم لقيت واحد دخل وراح صلي اربع ركعات صلي اتنين ف اتنين وانا قاعد مش فاهم هو بيصلي ايه تلاقيه كان بيصلي ضُحي السلام عليكم ورحمه الله وبركاته هنتكلم النهارده عن صلاه الضُحي صلاه الاوابين عن أبي هريرة قال: "أوصاني خليلي بثلاث لا أدعهن حتى أموت: صوم ثلاثة أيام من كل شهر، وصلاة الضحى، ونوم على وتر". أخرجه البخاري ومسلم عن أبي الدرداء وأبي ذر (رضي الله عنهما) عن رسول الله: " عن الله تبارك وتعالى أنه قال: ابن آدم، اركع لي أربع ركعات من أول النهار أكفك آخره " (رواه الترمذي عن أبي ذر عن النبي أنه قال: "يصبح على كل سلامى من أحدكم صدقة، فكل تسبيحة صدقة، وكل تحميدة صدقة، وكل تهليلة صدقة، وكل تكبيرة صدقة، وأمر بالمعروف صدقة، ونهي عن المنكر صدقة، ويجزئ من ذلك ركعتان يركعهما من الضحى صلاه الضحي دي بمثابه صدقه ليك هي صلاه الاوابين يعني ايه اوابين الأوابون هم التّوابون بتصليها اتنين او اربع او ثمانيه مثني مثني يعني ركعتين وتسلم وافضلها ثمانيه طب وقتها امتي ولا هو لازم قبل الظهر لا مش لازم قبله ولا حاجه وقتها عموما بيبدا من بعد الشروق بثلث ساعه إلي قبل الظهر بربع ساعه الربع والثلث ساعه دول من الاوقات المكروهة للصلاه يعني مكروه تصلي فيهم طب افضل وقت اصلي فيه الضحي امتي؟ قبل الظهر بربع ساعه زي ما الراجل يلي شفته عمل كده بالضبط ومتنساش تشوف المواضيع يلي قبل كده هدانا وهداكم الله اجمعين
