مذكرات تائب 7: طب دلوقتي انا عندي وقت فراغ كبير في النهار خصو | لُـطـف"فـف 🤎🪐))-
مذكرات تائب 7: طب دلوقتي انا عندي وقت فراغ كبير في النهار خصوصا اننا في في رمضان ) وانا عايز اقرأ سوره كده كل يوم واواظب عليها اعمل ايه مش عارف؟؟ طب ما تقرأ سوره البقرة هنتكلم النهارده عن فضل سوره في القرآن وهي سوره البقرة السوره دي عظيمه جدا بكل ما تحمله الكلمه من معني فيه ناس كتير مننا بيبقوا هيتمنوا حاجه في حياتهم تحصل ( وهو مين اصلا معندوش حلم او حاجه بيتمناها سواء بقي شغل تعليم ثانوي جواز وووو وبندعي ربنا علشان الحلم ده علطول وكمان ناس بتعدي ربنا في القيام انا بقي جايلك بسوره البقره تساعدك في ده واكتر كمان بص بقي وركز معايا سوره البقره فيها آيه"إِنَّ اللَّهَ عَلَى كُلِّ شَيْءٍ قَدِيرٌ" مذكوره ٦ مرات ومواضعها هي الآيه ٢٠ و ١٠٦ و١٠٩ و١٤٨ و٢٥٩ وأخيرا ٢٨٤ وكمان فيها الآيه "وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ " وهي الآيه ١٨٦ تخيل بقي إنك وانت بتقرأ ولما تيجي عند كل موضع من دول ترفع إيدك وتدعي ب يلي انت عايزه تدعي وانت متاكد ان ربنا هيستجيب لدعائك طب دلوقتي عرفنا ازاي تساعدني في دعائي فيه بقي بعض الآيات فيها برده مهمه جدا زي آيه الكرسي وآخر آيتين من السوره إن المداومة على قراءة آية الكرسي عقب كلِ صلاة مفروضة سبب في دخول الجنة، كما روى أبو أُمامة الباهليّ -رضي الله عنه- عن النبيّ -عليه الصّلاة والسّلام- أنَّه قال: (مَن قرَأ آيةَ الكُرسيِّ دُبُرَ كلِّ صلاةٍ مكتوبةٍ لَمْ يمنَعْه مِن دخولِ الجنَّةِ إلَّا أنْ يموتَ). انت متخيل الأجر ثبت فضل الآيتين الأخيرتين من سورة البقرة عن النّبي -عليه الصّلاة والسّلام-؛ فأورد البخاريّ في صحيحه ما رواه أبو مسعود -رضي الله عنه-، أنَّ رسول الله -عليه الصّلاة والسّلام- قال: (مَنْ قَرَأَ بِالْآيَتَيْنِ مِنْ آخِرِ سُورَةِ البَقَرَةِ فِي لَيْلَةٍ كَفَتَاهُ)،[١٤] والمقصود بأنَّ قراءة الآيتان تكفيان من يقرأهما؛ أي تكفياه من كلِّ سوء، وقيل تكفياه من شرّ الشّيطان، وقيل تكفياه من قيام اللّيل فكأنَّه قامه وللسوره بوجه عام فضل في حفظ النفس من الشياطين والسحره وحفظ البيت من الشياطين طب اقرأ الآيتين إمتي؟ قبل المغرب مع أذكار المساء ده غير كميه الراحه النفسيه اللي فيها يعني فرحان زعلان مخنوق مهموم فاضي اي وقت ليك حاول تستغله في انك تقرأ السوره دي طب ثانيه واحده كده معلش قول انا فتحت المصحف وبشوف السورة لقيتها كبيره اوي دي ٤٩ صفحه ياعم دول كتير اوي بص انت لو بعد او قبل كل صلاه قرأت بس ١٠ صفحات هتخلصها في يوم الموضوع في الاول صعب لانك مش بتبقي متعود ويااريت تسمعها الاول قبل ما تقرأها علشان تقرأها صح ومره بعد مره صدقني هتبقي بتقرأها طبيعي كل يوم المهم تواظب عليها ومتضيعش فضلها وفضل آياتها من إيدك ومتنساش تشوف المواضيع يلي قبل كده هدانا وهداكم الله اجمعين
