#استفسار_جامعي مع #محمد_غازي | استفسار رقم | محمد اني | موسوعة التفوق الطبية
#استفسار_جامعي مع #محمد_غازي
| استفسار رقم
| محمد اني طالب طب اسنان مرحلة اولى واريد اقدم موازي طب عام.. ارسب نفسي واسوي اعادة ترشيح لو شلون؟؟ | وصديقي كلية اهلية طب عام ويريد يقدم موازي صيدلة هم يحتاج يعوف السنة؟ لو يرسب؟ لو شنو؟؟
| شوفوا عيني.. الموازي يختلف عن اعادة الترشيح.. يعني الموازي مابيه اعادة ترشيح..
| انت باي كلية كنت (حكومية او اهلية) وتريد تقدم موازي على السنة الجديدة ما يحتاج ترسب او تاجل السنة.. الرسوب او التاجيل هذا للي يريد يقدم اعادة ترشيح للصباحي الحكومي وليس للمرازي...
| يعني انت وصديقك كملوا دراستكم وامتحنوا وانجحوا للمرحلة الثانية وبعدها راح ينفتح الموازي وتكدرون تقدمون عادي كلش واذا طلع اسمكم فانتوا براحتكم وبكيفكم تفكرون زين اما تختارون تبقون بكلياتكم القديمة وتكملون او تختارون تروحون للموازي وتعوفون كلياتكم... وهنا احنا ضربنا عصفورين بحجر
| لانه اذا الواحد رسب او اجل السنة وراح قدم موازي فاكو احتمال مايطلع اسمه بالموازي بسبب التنافس.. وهو رسب بكليته القديمة.. فهيج راح تضيع سنة كاملة عليه بلاش.. فالاحسن ينجح للمرحلة الثانية وبعدين يقدم...
| زين محمد انت متاكد يصير هيج؟؟ اي عزيزي متاكد.. (بيدي قدمت لطالبتين وحدة منهم طب اسنان حكومي صباحي نجحت للمرحلة الثانية والاخرى كلية صيدلة اهلية وايضا نجحت للمرحلة الثانية).. وفتح الموازي وقدمتلهم وطلعت اسماءهم وبقو يفكرون ام الاسنان بقت بالاسنان وكملت وعافت الموازي مارادته... وام الصيدلة الاهلية اختارت الموازي الحكومي وعافت الاهلية..
والبنات ثنينهم من متابعين القناة
| #المختصر انه:
| طالب الكلية الصباحي الحكومي اذا يريد يقدم موازي على السنة الجديدة خلي ينجح للمرحلة الثانية وبعدين يقدم اضمن واحسن وافضل..
| طالب الكلية الاهلية اذا يريد يقدم موازي على السنة الجديدة خلي ينجح للمرحلة الثانية وبعدين يقدم اضمن واحسن وافضل..
| #ملاحظة: هذا الكلام يخص الكلية فقط.. ما يشمل المعاهد
