مبارك عليكم العيد من حقكم ترتاحون وتعيدوون حالكم حال بقية ا | قناة اللغة العربية
مبارك عليكم العيد
من حقكم ترتاحون وتعيدوون حالكم حال بقية الناس، عادي جدا تاخذون ريست يوم مثلا وتعيدون وتفرحون وتطلعون بهذا اليوم وتغيرون جو، شوية يخف الضغط اللي عليكم وتحسون بنشاط وطاقة جديدة بعد تعبكم النفسي وضغط الكتب والدراسة عليكم !
-لكن خلوا استراحتكم وريستكم يوم العيد محدود لا تروحون زايد يعني يوم كافي لو يومين.. تعرفون ليش؟؟ لإن انتوا هستوكم رجعتوا من عطلة نصف السنة وشفتوا شكد عانيتوا حتى رجعلكم مود وواهس الدراسة، بسبب العطلة مال نصف السنة، فحتى لا يتكرر نفس الشي، وهسة انتو مندمجين ناس تدرس نقوصات كل حيلها وناس تراجع ووضعككم تمام التمام، اي استراحة اكثر من يوم يومين راح تأثر عليكم سلبا مو ايجابا.. وراح تشوف تعال شيرجع واهسك والمود مالك، شيرجعك للفورما وراح تعاني بين ما يستعدل وضعك..
فخلي يوم او يومين.. والايام جاية تنجح وتفرح براحتك بعدين!
عيدك الحقيقي يوم تجيب المعدل العالي إن شاء الله هذا اكبر عيد بالنسبة الك!
وكل عام وانتم بخير ربي يحفظكم انتم وعوائلكم ومن تحبون ويفرحكم بنجاحكم وتفوقكم
