2023-04-28 13:02:01
Muslima ayol ham stressda bo‘lishi mumkinmi?
Hammamiz ayolmiz va asl vazifalarimiz,yumushlarimizni, zimmamizdagi haqlarimizni qaysidir darajada bilamiz.
Ibodatlarni bajaramiz, Qur‘on o‘qiymiz va bular kundalik hayot tarzimizga aylangan.
Nega unda biz tushkunlikdamiz, sal narsaga jahl qilaveramiz, bolalarimizdan,yaqinlarimizdan alamimizni olamiz,o‘zimizni keraksizdek his qilamiz, ho‘sh???
Qornimiz ochsa darrov ovqat qidiramiz, to‘y chiqib qolsa darrov ko‘ylak olishimiz kerak bo‘ladi, shirinlik ko‘nglimiz tusasa yeyishga shoshilamiz,uyimizda shinamlik,yaxshi sharoit yaratish uchun doimiy xarakatdamiz va hkz. Bularning bari jismimizning qondirilishi kerak bo‘lgan ehtiyojlari va biz buni doim bajarib kelamiz.
Insonda jismdan tashqari ruh bor ekanligi va uning ehtiyojlari ham qondirilishi shart ekanligini ko‘p hollarda unutamiz!
Ruhiy ehtiyoj manbaini namoz deb ko‘rsatishimiz mumkin va bu juda to‘g‘ri. Lekin namozga doir masalalarni o‘rganib chiqqanlar oramizda sanoqli bo‘lsa kerak(adashgan bo‘lsam kechiringlar)
Namozda hushuni topa olmayotganlarimiz ham bisyor.
Aniqroq aytganda Robbimizga qurbat hosil qila olmayotganimiz bizni mahzunlikka olib boryapti. Yaxshilik va yomonlik Allohdan ekanligi, har qanday xolimizda ham shukr qilishimiz va oldinga intilishimiz kerakligini unutyapmiz.
Alloh bandalarning gumonida, biz esa Allohdan kichik narsani bermagani uchun nolishimiz mumkin, vaholanki Qodir Allohning marhamati biz so‘ragan zarra narsadan ham behisob buyuk!
Ruh ozuqasi bu ilm!Chunki Alloh bizni shunday yaratgan va taomni,uyquni jism energiya manbai qilganidek, ruhimizni,qalbimizni ilm bilan oziqlanadigan qilib qo‘ygan!
Kunlarimizni faqat jismiy ehtiyojlarimizni qondirib o‘tqizganimiz sari ruhiyatimiz so‘nib, stressga berilib,asabiy ayolga aylanib boraveramiz.
Bu yo‘lning oxiri shunchaki gavdasi bor, ammo ruhi tushkun, depressiyaning oxirgi bosqichidagi ayolga aylanamiz qolamiz, Alloh har bir muslimani asrasin!
Hayotimizdagi zaruriy ilmlarga ham rag‘bat qilmas ekanmiz,oddiy masalalarni ham izlanmas ekanmiz nafaqat Robbimiz huzurida balki oila a'zolarimiz,turmush o‘rtog‘imiz, farzandlarimiz oldida ham faqat jismiy ehtiyojni qondiradigan robot singari buyumga aylanib boraveramiz, va ozuqasiz ruhingizning asabiyligi ularni zarracha qiziqtirmay qo‘yadi!
Bekorga har tomonda ayolning shaxsiy rivojlanishi jamiyat uchun eng katta yutuqligi ham qayta-qayta aytilayotgani yo‘q.
Ilm, ilm va yana ilm!
Najotimiz shu!
70 views10:02