2023-01-17 02:04:53
من قلت أحبك و أنا شايل بـ يْديني رفوف
ودي بها تبقى لو رحت .. بـ طريق الهجر
كنت أجمل أحلامي و اقصرها و لاني بـ أشوف
من بعدك إلا .. خيالك لا حضرني ، و سهر
الليل تهويدة أحزاني و صمتك كفوف
اشعر بها لـ ارتعش جفني و دمعي حدر
ما جيت أحبك ولكن جاوزتني الظروف
جابك لي الله و ودعتك بـ لمح البصر
لكنك بـ روحي أكبر من قصيد و حروف
حتى لو إني كتبتك ، و الشعور انكسر
الله يسامح عيونك كل ما اشعر بـ خوف
كنت اتصدد اذا شفتك و وجهي حمر
و لـ الحين لا مرّ طاريك .. افز بـ وقوف
لـ الحين صوتك بـ سمعي مثل صوت المطر
820 views23:04