2023-04-25 22:21:09
مدمن سوشل ميديا وتريد تتخلص منه بس ماتعرف شلون؟ الحل عندي
بشرط توعدني إنك راح تطبق الخطوات
متفقين؟ يلا نبلش ..
الخطوة الاولى: اعرف شنو اكثر وقت تستخدم فيه الموبايل وليش تستخدمه واستبدله بشي ثاني.
- مثلاً هي تستخدم الموبايل هواي اولما تگعد من النوم حتى يخليها تصحصح > استبدلته بانها تشغل موسيقى تحبها حتى يروح النعاس.
- او مثلاً تستخدم الموبايل هواي باستراحات الشغل حتى ترفه عن نفسها > استبدلته بانها تسمع موسيقى تحبها، ترقص او تتمشى.
الخطوة الثانية: ابعد موبايلك عنك "البعيد عن العين بعيد عن القلب" لمن تريد تركز بشغلك خلي موبايلك على الصامت بغرفة ثانية.
الخطوة الثالثة: خلي مدة محددة لاستخدام اكثر التطبيقات الي تاخذ وقتك.
الخطوة الرابعة: احذف التطبيقات الي ماتحتاجها وتحسها تشتتك وتحسسك بشعور سيء
الخطوة الخامسة: تعمق بالموضوع اكثر واعرف ليش تستخدم الموبايل هواي؟ هل گاعد تهرب من مسؤولياتك وتسوف؟ او هل تحس بالوحدة؟ او تهرب من واقعك؟
هذا الكلام تعلمته من فيديو باليوتيوب وحبيت أشاركه وأطبقه وياكم
2.0K views19:21