2024-05-20 21:58:19
الثالث متوسط الابطال
باجر هو بداية اول معركة صار وقت تحويل الحلم الى حقيقة
اقدم الكم مجموعة من النصائح قبل الامتحان و بعد الامتحان
قبل الامتحان
1- تنام اليوم من وقت ب 12 اكثر شي و تكعد ب 5 من وقت
2- عند المراجعة و القرائة قبل الامتحان لا تقرأ مع صاحبك حتى لا يصير عندك تشتت و ارباك
3-حافظ على هدوئك وسوي الي عليك ( لَا يُكَلِّفُ اللَّهُ نَفْسًا إِلَّا وُسْعَهَا )
4-من تريد تشوف اسئلة منشورة وكاتبين تسريب او مرشح فقط اطلع عليها
وأبد لا تخلي ابالك راح تجي 100 % الوزاري ابو التوقعات عليك بمجهودك و الثوابت الي ركزت عليها
في القاعة الامتحانية
1- عند أستلام الدفتر الامتحاني أملاء معلوماتك بالقلم الجاف و تحقق من الدفتر و القلم الجاف تضمة بعد
2- عند أستلام الاسئلة حافظ على هدوئك وأقرأ ايات قرأنية للتوفيق و النجاح قبل قراءة الاسئلة
(وَقُل رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ )
عند الاجابة
1- ترتيب الأسئلة ضروري جداً كل سؤال بصفحتة و الترتيب يساعدون بيه بالدرجات وذا الترتيب مخربط ينقصون درجات
2- الخط واضح و عند المسح بالمساحة لا تصخم الدفتر لخاطر الله حافظ على نظافة وترتيب الدفتر
3- الاجابة عن الاسئلة تكون حسب الاهمية من الاكثر اهمية ( الي بيها درجات نجاحكم ) للأقل اهمية ( يعني الصعب و الي يدوخ بالاخير تحله)
4- اي سؤال تصفن بيه دقايق وما تعرفة تعوفة و تروح على السهل تحاول تحل السهلات حتى تضمن نجاحك
5- لا تنسى بعض الاسئلة بيها ترك فرع او نقطة او ترك سؤال ( لازم تكتب ترك على الي تريد تتركة )
6- الانكليزي ماكو ترك سؤال و لا حتى فرع
7- اذا كتبت هواي وما كفت الورقة تكدر تكتب ملاحظة بخط كبير
مثل هاي ( تكملة السؤال الثالث على سبيل المثال ب صفحة 15 بالاخير )
8- ممنوع اي طالب يسلم الدفتر بدون مراجعة للترتيب و الجواب و بالمراجعة تركز على الثوابت الي تضمن نجاحك
9- ممنوع اي طالب يسلم الدفتر بدون ما يحسب درجاتة و يتأكد من درجتة
ملاحظة ( عند حساب الدرجات فرضاً طلعت درجتك 70 اني اريدك تنقص منها 15 درجة حتى تشوف نفسك اذا ناقص 15 درجة وبعدك ناجح اهنا الف مبروك
10- اخر شي قبل تسليم الدفتر أقرأ الآية مرة ثانية (وَقُل رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ )
عند الرجوع للبيت
1- تناقشو بالاسئلة و الجواب في طريق الرجوع للبيت فقط
2- عند الدخول للبيت اذا كنت مجاوب او ما مجاوب بلغ اهلك انو انت مجاوب ( ممنوع تكلهم اني ما مجاوب لان راح يضلون يسئلون بيك و راح يصير الجو سلبي كلش و ينقهرون ويقهروك وياهم وانت عند امتحان ثاني يرادلة مراجعة خليها على رب العالمين (غمض عين فتح عين غمض الحلم صار حقيقة و للكلية الي انت تريدها ان شاء لله ) وفرمت عقلك من المادة لا تفكر بيها بعد
3- طلاب طالبات من ترجعون اريدكم تنامون ساعة وحدة علمود تخلص من التفكير و وتفرمت عقلك حتى ترجع نشيط اكثر
4- عند البدأ بالمراجعة للمادة الثانية ابدي بخطة ورتب ورقة تكتب بيها الثوابت الي راح تجي بالامتحان القادم وتحسب درجتك قبل لا تمتحن
يا رب كل التوفيق و النجاح و نشوفكم احلى طلاب ما ضل شي راح تصير سوالف
قاتلو لأجل انفسكم ... لأجل اهلكم .... لأجل من تحبون ..... لمن هم تحت التراب
#الاستاذ_عماد_البياتي
https://t.me/hamlt11
Telegram
الاستاذ عماد البياتي | هاملت
"يجب ان تصدق و تؤمن حتى ترى"
قناة الطلاب و طالبات السادس ( ذكريات - مشاركات - تصاميم - تعليقات )
https://t.me/hamlt_sh
قناة سؤال و جواب ( لحل الاسئلة العلمية )
t.me/hamltQ_A
12.7K viewsالاستاذ : عماد البياتي, edited 18:58
ا
