ሁላችሁም ልታነቡት ይገባል ፋራ ነኝ እንዴ ግን አስታውሳለሁ ወደ ዩንቨርሲቲ ማለፌን ሳረጋግጥ አንዳንድ አዝናኝ አስተያየቶች ደርሰውኝ ነበር ግን ከማልረሳው ውስጥ አንዱን ላካፍላቹህ አንዱ ምን አለኝ መሰላቹህ ? " በቃ የግቢ ቺኮችን ልትፈጃቸው ነዋ ?" አለኝ ቺክ ማለት ምን ማለት ነው? ብዬ ልጠይቅ ፈልጌ ነበር ግን ሳስበው ለካ ግቢ ልገባ ነው እናም በቃ ፋራ መባል ስላልፈለኩ ስቄ አለፍኩት ። ለዛሬው ርዕስ መነሻ የሆነኝ ግን የሆነ ህፃን ልጅ ( ህፃን መስሎኝ ነበር) ያለኝ ቃል ነው ። ጩጬው ምን አለኝ መሰላቹህ? " እስካሁን ግን ስንት ጠበስክ ? " አለኝ በኩርኩም አናቱን ልጠብሰው አስቤ ነበር ሳስበው ግን ከመምታቴ ይልቅ ቀስ ብዬ ባስተምረው ጥሩ ነው በሚል እሳቤ * ቤቢዬ ዩንቨርሲቲ ውስጥ እኮ ወንድና ሴት አብሮ መሆን አይችልም ፡ ያስባርራል * ብዬ ስፎግረው " ተዪው በቃ ሙዓ ፋራ ነሽ መሰል" አላለኝም ? °አይ የዘንድሮ ልጅ° እያልኩ በአግራሞት ተፋታሁት የሚገርመው እኮ ልጁ ገና የሰባተኛ ክፍል ተማሪ ነው ( ውይይ ረስቼው ለካ 6ት ላይ ሁሉንም ነገር ጨርሰው ነው ወደ ሰባት የሚያልፉት) Hooooooo በቆሎ መሰሉት እንዴ ሴቶቹ?(ለነገሩ በቆሎም ተወዳለች ) አስረኛ ክፍል እያለሁ የሆነ አዝግ አማርኛ አስተማሪ ነበር ያስተማረኝ፧፧ እናም አስተማሪያችን የህይወት ታሪካችሁን ፃፉ ብሎን የምፅፈው ሳጣ የሆነ ታሪክ ፈጥሬ ቀበጣጠርኩ ። ከፅሁፌ ላይ ያስተምሪውን ብሎም የጓደኞቼን ቀልብ የሳበው ደግሞ:- ሁለተኛ ክፍል እያለሁ ገራሚ የፍቅር ታሪክ ነበረኝ ብዬ የቀባጠርኩት ልብወለድ ነበር ያኔ ብዙ የልብወለድ መፅሃፍትን አነብ ስለነበር በሬ ወለድ ታሪኬን እውነተኛ ለማስመሰል ብዙም አልተቸገርኩም ነበር ። እናም የህይወት ታሪኬን አስተማሪዬ ከሰማ በኋላ " የምርህን ነው ግን ?" አለኝ እኔም እምባዬ እየመጣ እስካሁን ድረስ በልቤ አለች ስለ ልጅቷ ሳስብ ምግብ አይበላልኝም .... ምናምን ብዬ ስፎግረው በጣም ተገርሞ ጭንቅላቱን እየነቀነቀ " እና አሁን አንተ ዩንቨርሲቲ ልትሄድ ነው? " አለኝ ^ፋራ ነው እንዴ ?^ እና እኔ ምን ላርግ ምንም አይነት የህይወት ታሪክ አልመጣ አለኛ፤ በዛ ላይ 20 ማርክ አለው ብሎ ገገመ ። ለማንኛውም አርፎ መማር ወይም የፍቅር ጓደኛ አለመያዝ ፋራ የሚያስብል ከሆነ ፡ ሆነ ነው እንግዲህ ምን ማድረግ ይችላል? በቃ ፋራ እየተባላችሁም ቢሆን አርፋቹህ ተማሩ አራዳ እንደሆናቹህ ግን ውስጣችሁን ደጋግማቹህ ንገሩት በነገራቹህ ላይ እኔ አራዳም ፋራም አይደለሁም ፤ እርድናና ፋርነት ለኔ እስካሁን ግልፅ አልሆኑልኝምና እናንተ ግን በራሳቹህ አለም አራዳ ለመሆን ሞክሩ በተለይ አዲስ ተማሪዎች አራዳ ነህ ወይም እሷ እኮ ጭስ ናት ምናምን እያሉ የሚበሏችሁን ባልሰማ ላሽ በሏቸው ፤ ፋራ ተብሎ ግንባራቹህ ላይ እስካልተፃፈባቹህ ድረስ ፋራ መባል ለናንተ ተራ የሲኖትራክ ክላክስ እንደሆነ ቁጠሩት። Muja እንደጻፈው @Hahuethiopia 14.5K views08:30
