2023-04-16 15:45:07
Ինչո՞ւ են քննարկումները վերածվում կռվի։
Իմ կարծիքով էստեղ առաջնային դեր է խաղում այն, որ շատերս ամուր գրկել ենք մեր տեսակետն ու դրանից էն կողմ ոչինչ չենք ուզում տեսնել։ Հա, բոլորս էլ մեր «ճիշտն» ու «սխալն» ունենք, բայց կյանքի հետաքրքրությունը դիմացինի տեսակետը լսելն ու հասկանալն է։ Պարտադիր չի ընդունել, բայց ցանկալի է լսել ու փորձել հասկանալ։
Եթե նկատել եք, ես իմ բլոգում երևույթները միշտ փորձում եմ տարբեր տեսանկյունից ներկայացնել, որովհետև ամեն ինչ ունի հակառակ կողմ, ու, էն ինչ ինձ համար «ճիշտ է», մեկ ուրիշի «ճիշտը» սխալ չի դարձնում։
Օրինակ, ինձ համար անընդունելի է ամուսնու ծնողին «մամա», «պապա» անվանելը, ամուսնու ծնողների հետ ապրելը, լուրջ հիվանդությունները «ամեն»-ով բուժելը, բայց ես էս ամենին փորձում եմ այլ տեսանկյունից նայել։
Մարդկանց մտածելակերն ու արժեքները տարբեր են։ Ամեն մեկն ունի երջանկության իր բանաձևը, ու քանի դեռ այն մեր կամ ուրիշի իրավունքները չի ոտնահարում, կարելի է պարզապես հարգել, չծաղրել ու փորձել հասկանալ։
Անձամբ ինձ համար չափազանց հետաքրքիր է մարդկանց մտածելակերպի մեջ խորանալը՝ ինչի է էդպես մտածում, որտեղից են գալիս էդ մտքերը, ինչի հետ են կապված… Կյանքի սիրունությունը հենց էդ բազմազանության մեջ է։
բայց քանի դեռ մենք որոշել ենք, որ «ճիշտը մի հատ ա ու մեր ձեռքերում», ոչ մի քննարկում մեզ հետ հնարավոր չի լինի։ Մենք փակ ենք ցանկացած ինֆոյի համար։
3.8K views12:45
G
