Бугунги кунда хорижий давлатларда низоларни мустақил тарзда ҳа | Yosh huquqshunos protsessualistlar
Бугунги кунда хорижий давлатларда низоларни мустақил тарзда ҳал қилувчи юридик фирмалар ҳам ташкил этилган. Улар томонидан яратилган сайтларда низолар жуда тез ва қулай усулларда ҳал этилмоқда. Қуйида уларнинг айримлари бўйича маълумотларни келтирамиз.
e.Bay – www.ebay.com
Ушбу сайт Европа давлатларида онлайн савдо-сотиқ билан шуғулланиб, ҳар йили 60 миллионтадан ортиқ савдо-сотиқ билан боғлиқ бўлган низоларни ҳал қилади. Унда низо даставвал ўзаро келишув йўли билан ҳал этилиши учун тарафларга барча тушунмовчиликларни ҳал этишда ёрдам кўрсатилиб, агар низо мазкур босқичда ҳал этилмаса, унда компаниянинг махсус ходими 10 иш куни ичида низони тўлиқ онлайн тарзда ҳал қилиб беради.
Modria – www.modria.com
Ушбу сайт АҚШда турли хилдаги фуқаролик ва иқтисодий муносабатларга оид низоларни ҳал этишда оммалашиб бормоқда. Чунки мазкур сайт фойдаланувчиларга қулай имкониятлар яратиб, низони ўзлари истаган жойда тез ва арзон тарзда ҳал қилишга ёрдам бермоқда. Натижада кам аҳамиятли низоларни ҳал этишда судларга бўлган эҳтиёж камайиб, судлар низони ҳал қилувчи охирги босқич сифатида қўлланилмоқда.
