2024-05-30 16:53:01
في حاجة كمان افتكرتها اتحملني معلش
Filled transaction or amount
ها عرفنا انك بتفهم انجليزي اشرح بقي ؟
ده ي سيدي لما الماستر يعلق مثلا هدف عن سعر معين ف الاوردرات كلها بتتحط في نفس السعر فيه حاجة بتحصل بقي في الحركات السريعة والكميات الكبيرة في مكان واحد اسمها partial filled
هشرح اصبر متزقش ؟
ده معناها ان يتنفذ مثلا 700 اوردر ويتبقي 300 من أصل 1000 اوردر معلق وده مشكلة سيولة موجودة ف اتخن منصة ومشهورة في العملات برة البتكوين والايثر لان سيولتهم كبيرة
وكالعادة تيجي بعد اسبوع تلاقي نص زمايلك دخلوا عملة وكسبوا وخرجوا وانت العملة علي خسارة وقاعد تلف علي تويتر تقول خسرت في النسخ والماستر كسبان
او الماستر خسران 10% وانت تحلف وتتقطع انك خسران 30% وانت الاتنين صادقين والمنصة هي ال بنت
تعبت من قراءة ما بالك ال بيكتب
كمل كمل ولو استفدت ادعيلي
نيجي بقي لموضوع العملات المحرمة
انا هتكلم عن نفسي انا الحث المشاريع بنفسي ولا احتاج لاي قناة مشكورة تجتهد في هذا الامر
فوارد جدا من وسط 112 عملة في بايننس مخصصة للنسخ انت تشوف كم عملة منهم حرام وانا اكون شايفها عادي - الحل بقي بسيط
انك انت تعمل بحثك بنفسك وتخرج العملات التي تري فيها شبهه ولو انا نفذت فيها لن تنفذ عندك
نقطة اخري وهي ان عدد العملات المتاحة للتداول في بايننس محدود جدا 112 عملة منهم 30 عملة تقريبا اري فيهم شبهه ومنهم 40 منعدمين الحركة وبالتالي انا مش معايا مساحج كبيرة للفرص اليومية والمضاربة زي الحساب العادي كما تتخيل
ممكن تضيف رصيد او تخرج رصيد في اي وقت اثناء التداول دون مشاكل والرصيد الجديد هيسمع في الصفقات الجديدة
حاجة مهمة نسيتها فوق وهي
Fixed ratio - Fixed Amount
اغلب الناس اول م بتنسخ بتوقع فيها وللاسف متقدرش تغيرها الا اذا فصلت النسخ ورجعت ربطت تان - ولو راجل جرب تفصل نفسك ثانية هتلاقي ال هياخد مكانك بفضل الله الناس واقفة طابور
ايه ده بقي
Amount ده بقي الخانة ال بيقولك حط فيها الرقم ال عايز يتنفذ بيه كل صفقة بغض النظر عن كمية الماستر
فتلاقي واحد رصيده 10 الاف راح كتب 100 مسكين ده كل صفقة هتتنفذ غصب عنه ب 1% فقط من محفظته
ويبقي الماستر بيعد ارباح وهو بيعد سنتات ع الرغم ان رصيده كبير
والافضل انك تختار Ratio وهي ان اي نسبة يدخل او يخرج بيها الماستر تتنفذ نسبه وتناسب مع محفظتك
لو دخل ب 7% من محفظته يتنفذ ب 7% في محفظتك
من الكلام ال فات ده كله لازم تفهم ان عادي جدا تدخل خدمة نسخ الصفقات والادمن يخرج رابح وانت تخرج اعلي منه مكسب او حتي خاسر احيانا وسيكون السبب اما انت او المنصة
لذلك بالنسبة لي النسخ علي المنصات فيه ميزة عظيمة وهي التركيز فقط علي حسابي انه يربح اما ما يحدث عندك مسؤوليتك انت والمنصة
علشان كده بالله عليه بالله عليك ضع وقف خسارة لكل الحساب لا يزيد عن 20% تحسبا لاي ظرف من الحاجات ال فوق ده - لان وقت دامب السوق ممكن الماستر يخرج بارباح في اقل من دقيقتين وانت تتعلق من سرعة الحركة
ده ال قدرت افتكره وتعبت من الكتابه
اي سؤال اسالني ف التعليقات اجاوبك ان شاء الله - وانتبه من النصابين لن ابدا كلام معك بالخاص ابدا
7.6K viewsDr.Mohamad Mahdy , 13:53