2023-06-11 22:33:51
ضرغام. زم:
خورشرستم
آتا بابالاری یاشادان یوردوم
سیننله یاشیرام آی خورشرستم
بابالاردان قالدین بیزه یادیگار
سندن گول داشیرام یای خورشرستم
مرد ایگید میدانی تاریخلر یاشین
آغداغ قدرتیندی آغریماز باشین
قیزیلدان یارانیب تورپاغین داشین
سندن آلدیم شیرین پای خورشرستم
کئچمیشینده گؤزل چاغلار گؤرونور
تورپاقلارین آل آلوانا بورونور
اتگینده مئه دومانلار سورونور
ایچک پیر تقیده چای خورشرستم
آتمیشبئش کند بیر بیریندن مهربان
آلیرسان اولاردان قدرت هم ده جان
اولوبسان نشانگاه وئریرسن فرمان
خوش گونلرده سن سال های خورشرستم
کزجین اوزومو شیرین لهجهسی
هر یئره یاییلیب گردیشگر سسی
تزهلیر نفسی دیز شلالهسی
گزمهلی یئرلرین سای خورشرستم
مزرعنین چملری بوستان باغلاری
گوسون زمیلری کجل داغلاری
شمسآباد تاریخی کاوان چاغلاری
گؤرمهسین هئچ، باشین وای خورشرستم
مشکولون دربندی گؤزل اوولاری
کیوی خالخالیمین وار اوزانلاری
زیوهلر کندینده نم- نشانلاری
چال سازین دئ سؤزون نای خورشرستم
آشیق قوباد تاری نمهیلین ناری
هردم یادا سالاق آشیق سیمزاری
شیرین لهجهسینده توی شادلیقلاری
بو اومار اوغلون دا سای خورشرستم
یازانی ضرغام زمانی دیز (اومار)
@dizchanneli
266 views19:33