كيفية قراءة الـــ x ray الإكس راى تعتبر أهم وأكتر حاجة بتساع | طب الاسنان ‹ ᴅᴇɴᴛɪsᴛ ›

كيفية قراءة الـــ x ray

الإكس راى تعتبر أهم وأكتر حاجة بتساعدنا كأطباء أسنان فى التشخيص

قبل ما نبدأ فى أى كلام فى شوية حاجات كده لازم أخد بالى منهم وأنا باخد الإكس راى :

لازم أعرف خطورة الإكس راى دى أيه .. ونحاول قدر الإمكان تجنب ال radiation الناتج عن استخدامها ..

لو بيشنت pregnant ممنوع تعمل إكس راى إلا لو ارتدت Lead_aprone .. ودا بيمتص الأشعة و بالتالى يمنع وصول ال radiation للجنين

وانت بتاخد الإكس راى لبيشنت عنده denture أو لابس نضارة أو بنت لابسة حلق ,, لازم تتشال قبل ما تاخد الإكس راى

طيب أيه هى أهم أنواع الإكس راى بقى :

عندنا نوعين أساسين هما :

Extra-Oral X-ray :
ودى استخداماتها محدودة شوية فى شغلنا ..
أهمها :

Panoramic X-ray :
يمكن دا أشهر نوع extra-oral بنستخدمه ..
بنعملها علشان نشوف الأسنان كلها .. ونشوف ال bone وكمان ال TMJ

Cephalometric X-ray :

استخدامها أكتر فى شغل الأورثو ..

CT X-ray :

لو عندنا lesion وحابين نتأكد منها ..

Intra-Oral X-ray :
أكتر نوع بنستخدمه فى شغلنا ..
أهمها :

Periapical X-ray :

طبعا دا أهم نوع عندنا

دى بقى بتكون جايبة السنة كاملة .. وكمان ال bone اللى حواليها .. فنقدر من خلالها تحديد إذا كان فى أى abnormalities سواء فى الرووت أو فى ال bone اللى حواليه

ممكن من خلالها نشوف ال developing tooth بالنسبة للاطفال مثلا .. أو كمان نشوف فيها لو فى سنة impacted

Bitewing X-ray :
ودى بتبقى جايبة ال crowns بتاعة أسنان متقابلة ( upper & lower ) فى جزء معين من الفم ..

بنشوف فيها ال proximal caries وكمان مستوى ال bone بين الاسنان وبالتالى لو عندنا pocket اقدر أشخصه بسهولة

Occlusal X-ray :

ودى بتبقى جايبة ال occlusal view من الأسنان ..
بنشوف فيها ال development بتاع الأسنان وكمان لو فى أى lesion او impaction فى ال palate or floor of the mouth ( خصوصا لو كان canine ) بتخلينا نشوفها بوضوح

امتى بطلب من البيشنت يعمل إكس راى :

لو شاكك إن فيه apical infection .. أبسس مثلا وانا بعمل diagnosis للبيشنت وعاوز أتأكد ..

لو شغال إندو .. طبعا لازم أشوف بعد كل خطوة إكس راى علشان اتأكد إنى ماشى مظبوط
خصوصا فى حالات ال
calcification / perforation / fractured file

لو بيشنت عنده trauma ومحتاجين نعرف واصلة لفين وهل حصل pulp exposure او لأ

لو طفل اتأخر فى تبديل أسنانه او فى سنة impacted .. لازم أخد اكس راى

لو هتشتغل أورثو

لو فى أى lesion عند البيشنت سواء intra-oral OR extra-oral

نرجع بقى لسؤالنا الأساسى .. لما أمسك فيلم الاكس راى .. أقراه إزاااااى :

هنركز فى البوست دا على ال periapical

أول حاجة لازم نكون عارفين أن فى أجزاء هتظهر فى الإكس راى

Radio-opaque :

يعنى بيضا .. زى أيه ؟؟
زى ال hard tissue عموما ..

teeth
bone
restorations ( amalgam , composite , gattapercha , post & core , .... )
foreign body
broken file


وحاجات تانية مش هتظهر خالص فى الإكس راى

Radio-lucent :

يعنى هتبان سودا .. زى أيه ؟؟

أى soft tissue عموما ..
gums
lips
nerves , ....

طيب اللى فات دا الحاجات ال normal اللى بنشوفها فى الاكس راى ..

دلوقتى هناخد كام حالة كده هنعرف بنشوفها إزاى فى الإكس راى ؟؟

periapical abscess :

الطبيعى إن رووت السنة يكون محاط ب 1mm PDL .. لما نلاقيه أكتر من كده إذا فى مشكله عندنا

الأبسس بيكون عبارة عن RL عند الايبكس بتاعة السنة

Caries :

بتبان فى الاكس راى جزء كده RL فى وسط الجزء ال opaque بتاع السنة ..

pocket :

احنا عارفين أنه عبارة عن deepening in the gum .. وبما ان الاكس راى بتاعتنا 2D هنلاقى proximal كده widening in PDL .. بيكون طبعا RL ..

أى RO فى الاكس راى غير ال normal structures اللى قولنا عليها .. لازم نتأكد من تشخيصها بأنواع أكس راى أوضح .. وممكن ناخد biopsy علشان نتأكد

#Dental_radiology