انا مبهور من كمية البودكاست السعودية المتنوعة والغنية بالمعرفة | جئنا فى سلام 💡Manar Ehap

انا مبهور من كمية البودكاست السعودية المتنوعة والغنية بالمعرفة والثقافة والعلم اللي مستمتع بيها جدا ومفيش منافس مصري ليها.

في الوقت اللي اتشهرت مصر بفيديوهات البوب ساينس السريعة زي الدحيح والاسبتالية وغيرهم٬ لقيت ان السعوديين عندهم كم كبير من فيديوهات بودكاست طويلة من نص ساعة لحد ٣ ساعات بتتكلم بعمق في مواضيع محدده

بودكاست فنجان مع ياسر الحزيمي فتح عيني على عالم كبير على اليوتيوب/ابل بودكاست/جوجل بودكاست انصحكم تطلعوا عليه

بودكاست كاف
بودكاست فنجان (بعض الحلقات)
بودكاست توَّاق
بودكاست قلق الاسئلة
بودكاست استشارة مع سارة
بودكاست منصة خطوة (ياسر الحزيمي)

ملقتش في نفس المستوى ده في مصر غير بودكاست وعي

استمتعوا بالحاجات الجميلة دي
ويارب نلاقي في مصر حاجة زي كده في كل المجالات

توضيح للي ميعرفش يعني ايه بودكاست

هي كلمه انجليزي اصلا podcast
بتطلق على التسجيلات الصوتيه الحوارية

الحوار ده ممكن يكون فردي solo podcast وده شخص بيتكلم عن موضوع او فكره لوحده

وممكن يكون حوار بين فردين او اكثر بيتناقشوا مع بعض في فكرة او موضوع

اشهر المنصات اللي بينزل عليها التسجيلات دي
Apple podcast
Google podcast
Spotify
Soundcloud

التسجيلات الصوتية دي مؤخرا بقت بتتسجل فيديو كمان وتنزل عاليوتيوب صوت وصورة (فيديو/بودكاست) زي بودكاست ياسر الحزيمي اللي معظمنا شافه/سمعه في الفترة الاخيرة