2023-05-15 02:06:32
بقايا نور يا دربٍ غشاه الليل
وانا صوتي غفى مدري من اشكيله
اوّجه للصبر واثره يبيله حيل
انادي والصدى يرجع يناديله
لأنه من سماء ما يقبل التقليل
يبي صوت المطر يبكيه كل ليله
يناديه الضباب ويشتكيه النيل
اهازيج الشعر تشعل قناديله
يميل الغصن لا قامت يديه تْميل
قطَف كل الورود اللي تغنيله
هو آخر حب في قلبٍ جرفْه السيل
قبل بحّة ضماه وياس ترتيلة
تحرّيته وانا مستنكر التذييل
ولي عينٍ تبيه وعين تبكيله
غيابه من وقار ورجعته تبجيل
وانا بالحالتين اعشق تفاصيله .
40 views23:06