2023-10-06 20:06:49
ابتسمت وسألته :- بشنو
هزت راسه وحك كصته ضحك :- هههههه لا لا ماكو شي
انتبه عليه :- ذبي عبايتج ليش لابسه
كعد ؏ الجربايه
بقيت مستغربه :- ليش
ضحك:- شنو ليش زوجج انه
كزبر جلدي من هالكلمه نزعت عبايتي ورحت علگتها ، بوكتها چنتّ لابسه ربع ردان ومعاصم وبنطرون جانت حاره الدنيا ..
بقى صافن بيه بلعت ريكي ردت اكعد واحجي ماقبل وطلب مني اذب الحجاب :- استاذ
رفع اصبعه اشرلي مكلت لا
ذبيت حجابي وطبكته ورتبته وكمت ضميته بالكنتور
توني دااندار حط ايده على باب الكنتور وحبسني بين ايده تجمدت بمكاني بلعت ريكي واني فهيت بعيونه وهو يهمس :- عقيق .. عيونج بلون الماي اول مره انتبه على لونهن
ابتسمت بخوف وخجل :- بس شويه .. ردت ابتعد لزم ايدها ودارها الظهري قرب وجهه مني ورجع همس :- ريحتج طيبه حييييل
تلكأت :- اي اي .. عطري ب ٩٠ الف طبعاً طيبه
ضحكت وخليت ايدي على وجهي
فتحت عيوني بنص ضحكتي شفته صافن بوجهي ووجهه قريب على وجهي ، حط ايده على خصري:- والله وتعرفين تختارين حجيه
ماحسيت الا ماخذني بين ايده
معافني الا لما سمع صوت امي وهي تصيح ؏ الغده
دكم قميصه وهو يباوع الوجهي :- وينج عني من زمان وينج ريحتج سطرتني شلون امشي هسه دخت
غطت وجهي بيدي باي ايدي ووكف :- لازم اروح بالج على نفسج
بقيت اباوعله واني مغندبه وهو واكف بحرمه سريعه كال :- خرب مااتحمل
جروني الحضنه وهمس وهو يشهك ويتنفس بوجهي :- جبري خاطري ..
كوه واكف والله دفعيني من يمج
هزيت راسي واني ضايعه بعطره المخلوط بالجكاير :- اجبر خاطري .. يادعوة ربي المستجابة
باس عيوني وكل جسمه يرجف :- تعبان سحبي كل تعبي ..
اليوم هو بحضني وره ماسوه العملية الي على صدرة جانت خطره .. رجع الحضني واتأكدت هو حبني الي ، ونسى الماضي من اول كلمه كالها بعد العملية ، من كل مواقفه ويايه من اتعب وامرض واروح الاهلي تعلق بيه مثل الطفل ومينام غير على بطني وهو يكول بحنية : هالمكان اكثر مكان
تأذيتي بي ..
كملت تمشيط وكمت فتحتله الباب
بمجرد فتحته شالني وعضني بحنچي :- وينج عيني
بسته بكصته:- يمك اني ماعوفك
همس وهو يبوس اثر العضه:- اجرم بيج اذا عفتيني...
ضحكت بصوت عالي :- ولج اششش هسه يكعد ابنج وياخذج مني وين اولي
رجعت ضحكت :- ليش تحبني هلكد
الملا :-لان انتي اختيار ربي الي ، يامحلا اختياراته...
للحكاية نهاية.
12.8K views17:06
ق
