المسلسل هذا انعرض سنة 2019 ڪان ديما راجلها يهمل فيها ويخون ويڪذب وفي ڪل مره ڪانت تسامحه لانها تحبه و ڪان عندها أمل لعل وعسى يتغير في يوم بس ڪانت ڪل ماتسامحه يغدرها اخرى نيِن جا يوم وبرد ڪل شي ناحيته حُبها واهتمامها وحتى غيرتها تحول لبرود لانه ڪثر خلاص عاد، هالمشهد ماطلعش من راسي ليومنا هذا ڪان ديما يجي في بالي ومن ڪثر مانشاهد فيه ديما يتڪرر في راسي ڪلامهم ، فـ قررت انى نصمم عليه من ڪثرر ما أثر فيا حبيت نحڪي عليه وانا متأڪده ڪل من ح يشوف الفيديو او يقرا ڪلامي ح يجي في باله شخص معين ، شخص ڪذب عليك خانك غدر بيك وجعك ،بالرغم من آنك مادرتش شي غير آنك "حبيته" !! أحياناً ننغروا بالشخص ومن ڪثر حبنا لي عامينا نقعدوا نعطوا في فرص منغير مانحسبولهن نعطوا لنفس الشي للي متأڪدين بأنه مايستاهلش وعارفين حـ يغدر مره واثنين وثلاثه بس عشان تحبه لڪن ح يجي يوم حتى قلبك ح يقولك سادك مش بس عقلك ساد توهم في روحك ساد تعطى وتحب لشخص ماڪسبتش منه شي غير وجع قلبك شخص ماقدر الا يعطى ڪذب و إهمال وخيانه وغدر ، ح تنوض شويه شويه مش مُهم امتى ووين وڪيف لمُهم آنك اتخلص من علاقة مش ڪاسب فيها شي غير "وجع قلبك" . 102 viewsNajma Alflah, 19:56
