سوء الفهم "مش سوء الظن" دا شيء عادي في حياتك الأسرية، فلما يحصل متقفش عنده ولكن وضّحه دون ملامة وعتاب لإنه ممكن يكون شيء متكرر في حياتك. التَّشاحن دا شيء عادي في حياتك الأسرية، موقف في التاني في التالت وهتلاقي الدنيا فجأة بقت صعبة، والأمر هيعدي بفضل الله، فبلاش ترجعله تاني بالليل أو تاني يوم، واشتغل بنظام اللي فات مات. في كل الأحوال انت تقدر تجرح اللي قدامك، لكن الجروح الزوجية بتبقى صعبة جداً، فالكلمة اللي هتقدر تغيظ بيها الطرف التاني امسك لسانك عنها حتى ولو هتتعب نفسياً، لإن تعبك النفسي سيزول سريعاً لإنه مؤقت، أما الكسر فسيحتاج لوقت طويل حتى يلئتم وقد لا يلتئم! الإهانة مفيش أسهل منها، لكن الأخلاق مفيش أحسن منها، فعوّد نفسك تكون أحسن حاجة، لإن المعدن الأصيل بيفضل بخيره لنهاية العمر. محمد سعد الأزهري قناة التليجرام #الأسرة_أمن_وأمان https://t.me/usraaman 10.9K viewsمحمد سعد الأزهري, 11:10
