Андижон вилояти Шаҳрихон туманидаги беш нафар жисмоний тарбия ўқитувчилари 20 фоизлик устама ҳақлари 2 йилдан буён тўланмаётгани бўйича мурожаат қилишди.
Уларнинг мурожаатларида айтилишича, Президент қарори билан мактабларда “спорт тарғиботчиси“ лавозими жорий этилган бўлиб, бу вазифа мактабда фаолият олиб бораётган жисмоний тарбия фанидан дарс берувчи ўқитувчилар зиммасига юклатилган. Уларнинг мазкур меҳнатига 20 фоизлик устама қўшиб бериш ҳам белгиланган.
