قواعد مهمة ( اذا تريد تنجح بحياتك لازم تتبعها ) القاعدة 1/ ا | سامر جيرمني 1SMG1
قواعد مهمة ( اذا تريد تنجح بحياتك لازم تتبعها )
القاعدة 1/ اي واحد يكول الك او يوعدك تحصل فائدة اي فائدة جانت وخاصة (الفلوس) بدون ما : - تتعب - تدرس - تبحث - تصير عندك تجربة - تبذل مجهود - تسهر ليالي
احذر من عنده لان هذا الشخص #مو_صادق
القاعدة 2/ ابداً لاتنطي فلوسك او تخليها بمكان ماتعرف هذا المكان شنو اصله وهل هو ثقة وقانوني ونظامي ومعترف بي ام لا.
القاعدة 3/ ابداً لاتنطي من فلوسك ولو حتى 250 دينار عراقي حتى تتعلم مهارة او علم او مجال معين. ممكن بعض المجالات مثل علم التسويق والكرافك والبرمجة وغيرها تشتري بيها بعض الكورسات بس اكيد بعدما متخلي شي مجاني بالانترنيت ما تدرسه!
القاعدة 4/ لاتصدك بكلشي تشوفه ، بمعنى من تشوف ناس تنشر حياتها والترف الي عايشه بي احتمال كبير جداً ان يكون 90% من عنده وهم او وسيلة تسويقية وحيلة يحقق من خلالها فائدة شخصية.
#باختصار خليك حذر، لاتصرف فلوسك ابد ولاتضحي بيها، لاتنغر ولاتقارن حياتك بحياة غيرك لان احتمال وارد تكون انت احسن مليون مرة من الي تقارن حياتك بيه، اخذ المعلومة من اهلها مو من هب ودب، ابحث زين وانطي لنفسك اشهر وحتى سنوات قبل ان تدخل بشي جديد مهم ومحوري بحياتك.
