2024-05-06 18:20:18
خارطة الدور الثاني { علماً المكتوب هو اجتهاد شخصي مبني على تحليل خاص حسب آخر ٦ سنوات ، و كل الكلام المكتوب يخص السادس الإعدادي فقط }
شكد مدة الدور الثاني ؟ تتراوح المدة بين ٤٠ يوم إلى ٦٠ يوم ،
المتوقع لـ سنة ٢٠٢٤ تكون المدة ٥٠_٦٠ يوم .
شكد مسموح أجل و طريقة التأجيل ؟ مسموح تأجل من مادة إلى كل المواد يعني بكيفك
طريقة التأجيل سواء ترسب او تخلي الدفتر فارغ او تغيب كلهن نفس شيء ، ( حسب آخر ١٢ سنة بالامتحانات الوزارية )
شنو الفرق بين الدور الأول و الثاني ؟ ماكو فرق غير درجة الدور الأول
اي طالب يطلع من أول دور بدون تأجيل
راح يحصل على المعدل درجة وحدة
واي طالب يآجل ولو مادة وحدة ومهما جانت طريقة تأجيل راح تنسحب منه الدرجة ،
بالإضافة الفرق هوطالب الدور الأول يكمل بشهر ٧ اما الدور الثاني يكمل بشهر ٩
و الإثنين نفس التقديم و المعدلات و يدامون سوية بالكليات
يمتى ينزل الجدول و يمتى الموعد بالضبط المتوقع؟
نتائج الدور الأول تحتاج ما يقارب ٢٠_٢٤ يوم يله تكمل
و الأغلب بعد النتائج يله ينزل جدول الدور الثاني
و للعلم من ينزل جدول الدور الثاني تكون المدة بين نزول الجدول و الموعد هي ٢٥ يوم يعني بين ما يخلص الدور الأول الى موعد الدور الثاني هي فترة ٥٠_٦٠ يوم ،
اما الموعد بالضبط ان شاء الله ٩/١ ،
اي بعد زيارة الأربعين الي تصادف ٢٥،٢٦،٢٧ من شهر ٨
طبيعة الجدول و الأسئلة و التصحيح شلون ؟الجدول غالبا مادة ورا مادة عدا سنة فاتت آخر ٤ مواد ( الأحياء رياضيات كيمياء فيزياء ) قبلهن يوم ونصف
يعني تخلي بالك ممكن جدول مادة ورا مادة
او ممكن ترحم بيك التربية وتخلي المواد العلمية قبلها يوم.
الأسئلة و التصحيح وداعتكم نفس الدور الأول ماكو لا تشديد ولا شيء يخوف ربما يكون تسهيل اكبر ،
و غالباً الأسئلة تكون متوسطة و كم مادة سهلة أسهل من الدور الأول و فد مادة شوية بيها صعوبة و الباقي متوسط إلى سهل
يمتى تنزل نتائجنا و يمتى نقدم ويمتى نداوم ؟ النتائج تقريبا سبوعين وتكمل
و التقديم اول ما تكمل تقدم ويا الدور الأول
و نتائج القبولات و الدوام بالكليات حالكم حال ابو الدور الأول ويا وبدون فرق .
#
نصائح يفضل ما تأجل اكثر من ٣ مواد .
اول ما تكمل دور أول ترتاح يوم يومين وتبدا تدرس
يفضل قرار التأجيل يكون بالإمتحان بس اذا مادة ما دارسه وما مكمله وعندك بيها صعوبات وتشوفه تأثر ع باقي المواد من هسه أجلها ولا تفكر بيها و فكر بباقي موادك .
هواي طلاب طلعت معدلات بالدور الثاني يبقى حسب اصرارك و جهدك
لا دكول ماكو واهس وماكو شغف
احسن مما تعيد واحسن مما طلع معدل ناصي تصبر شهرين و تمتحن دور ثاني وتخلص .
تذكر انت صاحب القرار النهائي لا اني ولا اهلك ولا اي شخص يقرر غيرك
انت تعرف بروحك وتعرف شنو حلمك وتعرف شنو قدرتك
واذا شفت نفسك ما تكدر تكمل كل مواد دور أول فـ من هسه اجل اكثر مادة تعاني منها و تشوفه صعبة عليك و استغل وقته لباقي المواد ،
واذا شفت نفسك جفصت بالإمتحان و خفت من مادة تنزل معدلك أجلها و استغل الفرصة الأخيرة الي هي الدور الثاني .
واكيد كلما تخلص من وقت ترتاح اكثر
بس هذا الكلام مكتوب للشخص عنده صعوبة بمادة معينة ويريد فرصة ثانية ممكن صارت ظروف ويا او تقصير ...الخ
و بالتوفيق اتمنى جاوبتك ع كل سؤال بداخلك ،
رتب وقتك وخلي كل احتمالات .
@Santersads28_bot
#لــسنتر_السادس
t.me/santer_sads
46.7K views15:20
س
