ОНАЛАР КАНАЛИ _N1

2023-12-05 06:20:20 ТАБАССУМ КИЛИНГ ХАР ДАМ,
КУВИНГ ДИЛДАН АЛАМНИ..............


ЭНГ ЯХШИСИ ФАКАТ СИЗЛАР УЧУН.


https://telegram.me/joinchat/CACwEUERDHP6Ikw7PyuNDw Buka / Bagaimana

2023-12-02 14:48:40 "Ўғлимнинг муҳтарам ўқитувчиси!

…Мен ўғлимга ҳаётни бўяб-бежаб кўрсатишингизни истамайман. У ҳаётда ҳамма ҳам адолатли ва самимий бўлавермаслигини билиши шарт.
Сиз унга ҳаётда аблаҳлар ҳам қаҳрамонларга айлантирилиши мумкинлигини, уқувсиз ва такаббур раҳбарларга ҳам содиқ ходимлар учраши мумкинлигини тушунтиришдан қўрқманг.
Унга уқтирингки, модомики душманлари бор экан, демак дўстлари ҳам бўлади.
Биламан, бунга анча вақт сарфланади, лекин имконингиз бўлса, унга ноҳалол йўл билан топилган ўн доллардан кўра, ҳалол йўл билан топилган бир доллар кўпроқ фойда келтиришини ўргатинг.
Шундай таълим берингки, у ғалаба нашидасини суриш учун олдин ютқазиш аламини тотиб кўриш кераклигини англасин.
Қўлингиздан келса, унинг табиатига ҳасад чанг солмаслигининг чорасини кўринг.
Унга мақтанчоқ одамлар устидан ғалаба қозониш жуда ҳам осон бўлишини ҳис этишга шароит яратинг. Яна имконингиз бўлса, уни китобларга ошно қилинг…
Шундай таълим берингки, у жасур, кучли, темир иродали йигит бўлиб улғайиш билан бирга, кўкдаги қушлардан, қирлар узра очилган гуллардан ва бу гуллардан бол йиғиб юрган асаларилардан, қўйингчи табиатнинг бетакрор гўзалликларидан таъсирлана оладиган нозик қалбга ҳам эга бўлсин.
Шундай ўқитингки, у ҳаётдаги энг майда ҳолатлар юзасидан ҳам мулоҳаза қилиб кўришни ўргансин.
Мен унинг шу кичик ёшиданоқ ҳаётда қаллоблик қилиб ғалабага эришгандан кўра, ҳалоллик туфайли омадсизликка учраш афзал эканини англаб етишини истайман.
Уни атрофдагилар ҳар қанча ўз йўриқларига юргизишга уринишмасин, ўз шахсий фикрларида собит тура олишга ҳам ўргатасиз, деган умиддаман.
Уни юмшоқ феъллилар билан – юмшоқ, қаҳрлилар билан қаҳрли бўлишга ўргатинг.
Ўғлимга моҳиятни англамасдан туриб, ғалаба қозонганлар тарафига ўтиб кетадиган оломонга эргашмасликни уқтиришга ҳаракат қилинг.
Уни ҳаммани эшитишга ва ҳар бир эшитганларини мулоҳаза қилиб, ҳақиқатни ажратиб олишга ўргатинг.
Ўргата олсангиз, маҳзун вақтда кулиш кераклигига ўргатинг.
Вақти келганда кўз ёши тўка билишни ва бунинг ҳеч уятли эмаслигини ўргатинг.
Унга ўзига ортиқча зеб бермаслик кераклигини ўргатинг.
Зарурат бўлганида ўз ақли ва танасидаги мушаклар кучини энг қиммат нархда сотиши мумкин-у, лекин ўлса ҳам юраги, руҳи, виждонини сотишга ҳаққи йўқлигини англатинг.
Унга жасур бўлиш учун энг аввало сабрли бўлиш лозимлигини уқтиринг. Ўтда қаттиқ тобланган пўлатгина юқори сифатга эга бўлишини тушунтиринг.
Унда ўзига ишонч ҳиссини шакллантиринг, шундагина у бошқаларга ҳам ишонч билан муносабатда бўлади.
У билан юмшоқ, лекин ортиқча мулойимликсиз муомала қилинг.
…Биламан, Сиздан истаётганларимни бажариш осон иш эмас, лекин, ҳар ҳолда сўраганларим орасидан қўлингиздан нима келишини ажратиб олсангиз ҳам бўлади.
У ажойиб бола, яхши бола — менинг ўғлим!.. Балки у ҳам келажакда дунёнинг етакчи лидерларидан бўлар…

Сизга чексиз ҳурмат ва ишонч билан Абрам Линкольн,
1855 йил".

АҚШнинг ўн олтинчи президенти Абрам Линкольннинг беш ёшли ўғли Уильямнинг ўқитувчисига ёзган мактуби

Каналимиздан узоклашманг

https://telegram.me/joinchat/CACwEUERDHP6Ikw7PyuNDw Buka / Bagaimana

2023-12-02 11:20:40 Садақа..

Бир аёл ҳар сафар ўғилларидан биронтасини хулқида ёмон ўзгаришни кўрса, дарров садақа қилиб, таом тарқатар ва ушбу: “Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил...” Тавба сураси, 103 -оятни ўқиб дуо қиларкан: “Аллоҳим, ушбу садақам фарзандимнинг ахлоқи покланиши учундир, чунки унинг бу ҳоли менга у касал бўлиб, хасталанганидан кўпроқ таъсир қилади, безовта қилади” дер экан.

Яна бир аёл бўлса, камбағал эди, кунлик топганларига кифоя қиларли кун кечиришарди. Шу сабаб садақа қилишга ҳеч нарса тополмасди. Эри ёки ўғли бирон айб, гуноҳ содир қилишса, кечаси туриб Бақара сурасини зам қилиб намоз ўқир ва: “Аллоҳим, бу менинг садақамдир, уни мендан қабул эт. Уни менга ислоҳ қилиб бергин”, дея дуо қиларди.

Нима учун вафот этган инсон дунёга қайтиш имкони берилса, садақани танлайди? Бу ҳақда Қуръони каримда: “Ва бирингизга ўлим келиб: «Эй Роббим, агар менинг ўлимимни яқин муддатга орқага сурсанг, бас, садақа қилиб солиҳлардан бўлсам», демасдан аввал Биз сизларга ризқ қилиб берган нарсалардан нафақа қилинг” (Мунофиқун сураси, 10- оят), деб айтилган.

Нима учун “Умра қиламан” демайди, “намоз ўқийман” демайди, “рўза тутаман” демайди, балки “садақа қиламан” дейди.
Илм аҳли дейишди: Вафот этган киши ўлимидан кейин садақани қай даражада фойдаси, асари улкан бўлишини кўргани учун ҳам шундай дейди.

Садақани кўпайтиринглар, албатта мўмин қиёмат кунида садақасининг сояси остида бўлади. Айни дамда сиз қилишингиз мумкин бўлган энг афзал садақа - ушбу ўқиганингизни садақа ниятида бошқага улашишингиздир.

ЭНГ ЯХШИСИ ФАКАТ СИЗЛАР УЧУН


https://telegram.me/joinchat/CACwEUERDHP6Ikw7PyuNDw Buka / Bagaimana

2023-12-02 07:50:27 104 ёшли ОНА, 82 га кирган углини эркалаяпди.

**ЭНГ ЯХШИСИ ФАКАТ СИЗ Buka / Bagaimana

2023-11-30 03:01:14 ️ Ассалому алайкум!

Ҳар тонг умримизнинг бир сафаридир,
Ҳар он кунимизнинг бир гавҳаридир.
Тинчлик-омонликда ўтган ҳар бир тонг
Аллоҳнинг бизларга хуш хабаридир...

  ХАЙРЛИ ТОНГ, АЗИЗЛАРИМ!

Каналимиздан узоклашманг


https://telegram.me/joinchat/CACwEUERDHP6Ikw7PyuNDw Buka / Bagaimana

2023-11-29 15:13:48 ТАБАССУМ ҚИЛИБ ҚЎЙИНГ

Майли сизга тошлар отсин,
Сиз беозор кулиб қўйинг,
Тош отганлар тошдек қотсин,
Бир табассум қилиб қўйинг.

Сизни ғийбат қилганларга,
Қалбингизни тилганларга,
Сизни ёв деб билганларга,
Бир табассум қилиб қўйинг.

Майли боҳтонларни қучсин,
Иғволари елдек учсин,
Ўз чоҳига ўзи тушсин,
Бир табассум қилиб қўйинг.

Гар қалбингиз тиғласа ҳам,
Бағрингизни тирнаса ҳам,
Юрагингиз йиғласа ҳам,
Бир табассум қилиб қўйинг.

Юрманг сира қовоқ солиб,
Тақдирдан ҳеч қўйманг нолиб,
Йиғласангиз улар ғолиб,
Бир табассум қилиб қўйинг.

Сизга ўтмас таъмалари,
Кор қилмайди шаъмалари,
Куйиб кетсин ҳаммалари,
Бир табассум қилиб қўйинг.

Гуллар унсин изингизда,
Меҳр балқиб кўзингизда,
Дунё кулсин юзингизда,
Бир табассум қилиб қўйинг.

Майли сизга тошлар отсин,
Сиз беозор кулиб қўйинг,
Тош отганлар,тошдек қотсин,
Бир табассум қилиб қўйинг.

ХУРШИД КАРИМ.
Каналимиздан узоклашманг

https://telegram.me/joinchat/CACwEUERDHP6Ikw7PyuNDw Buka / Bagaimana

2023-11-24 10:27:58 Қулоқ тутгин биродар, айтай сенга ҳикоят,
Шояд эшитиб буни, топгайдирсан ҳидоят.
Ўлим келиб тўсатдан, бир йигит барвақт ўлди,
Гуноҳлари кўп экан, қабри оташга тўлди.


Йиллар ўтди орадан, йигит қийноқда ётар,
Кўтарилмас азоблар, кундан кун бўлар баттар.
Аммо бир кун қабрга келди икки фаришта,
Зулмат босган бу қабр, бирданига ёришди.


Фаришталар дедилар: "Битди қабр азоби,
Энди сизга бўлмагай Аллоҳнинг ҳеч ғазаби.
Бу совғалар сиз учун, бўлсин сизга муборак.
Бизларнинг келишимиз, сизга жаннатдан дарак".


Йигит деди: "Малаклар, сизлар шошиб қолибсиз,
Лойиқмасман совғага, сиз адашиб келибсиз.
Орзуларим кўп эди, ўлиб кетдим армонда,
Лойиқмасман совғага, қилманг мени шарманда.


Ётавериб бир жойда, кўникдимку сабрга,
олиб бориб беринглар, уни бошқа бировга".
Фаришталар дедилар: "Биз қилмаймиз ҳеч хато,
Бу совғалар сиз учун, сизга қилинган ато.


Жон олувчи фаришта жонингизни олганди,
Ўша пайт бешикда, фарзандингиз қолганди.
Инсонларга фарзандлар, берилади омонат,
Омонатга хиёнат - ўргатмаса диёнат.


Аёлингиз тарбия қилди ёлғиз болани,
Фарзандингиз шу бугун, ўрганди "Бисмиллаҳ"ни.
Қабрингизни тарк этар, энди азоб-ғавғолар,
Диёнатли фарзанддан, келаверар совғалар.


Яхши қолгин эй йигит, сўзимиз ростдир ишон",
Фаришталар кетдилар, қабр бўлди нурафшон.
Охиратни унутдик, дунёларга берилиб,
Савоб ишни ор билиб, гуноҳ қилдик керилиб.


Бисмиллоҳни ўрганиб, шунча савоб бўлса гар,
Қанча савоб бўларкан, Қуръон ўқиса агар.
Дуо қилинг азизлар, фарзандлар олим бўлсин,
Биз қабрда ётганда, қабримиз нурга тўлсин

Каналимиздан узоклашманг

https://telegram.me/joinchat/CACwEUERDHP6Ikw7PyuNDw Buka / Bagaimana

2023-11-21 16:00:02 Агар Онанг дуо қилмаса.

Ёниб қуёш, порламас ойинг,
Шовқин солиб оқмасди сойинг,
Тўрда эмас, пойгакда жойинг,
Агар Онанг дуо қилмаса.

Қўлларингдан омад тутмасди,
Қадамингда қувонч кутмасди,
Пешонангга бахтлар битмасди,
Агар Онанг дуо қилмаса.

Бароридан келиб ҳар ишинг,
Баҳор каби гуллаб куз, қишинг,
Ўша сенинг энг азиз кишинг
Агар Онанг дуо қилмаса.

Ёмонликлар бўлмасмиди фош,
Кўзларингда тинмасмиди ёш,
Зулмларга беролмасдинг дош,
Агар Онанг дуо қилмаса.

Маконинг боғ бўлармиди ё,
Юлдузларга қўл етиб гўё,
Кимга вафо қилар бу Дунё,
Агар Онанг дуо қилмаса.

Камтар бўлу, кибрдан кеч воз,
Савоб ишни қанча қилсанг оз,
Умри кунинг ўтармиди соз,
Агар Онанг дуо қилмаса!

Пушмон отин миниб кетардинг,
Олов йўғу, ёниб кетардинг,
Аниқ бир кун синиб кетардинг,
Агар Онанг дуо қилмаса.

Зоҳид Зиё сўзин этгил ёд,
Синовлидир асли бу ҳаёт,
Қандай омон юрардинг ҳайҳот,
Агар Онанг дуо қилмаса!

Яқинларингизга ҳам улашинг

Каналимиздан узоклашманг

https://telegram.me/joinchat/CACwEUERDHP6Ikw7PyuNDw Buka / Bagaimana

2023-11-21 11:02:17 ҚИЗ ФАРЗАНД

Англияда механик бўлиб ишлайдиган Томас исмли киши бор эди. У таомини зўрға топиб ерди. Аллоҳ таоло унга бир қиз фарзанд ато қилганди. Қизи беш ёшга кирганида оёқ пайларига тузалмас дард тегиб, бўйи ўсмай қолди. Кейин билишса, у энди юролмас ҳам экан. Томас қачон уйга қайтиб, қизининг хонасига кирса, уни йиғлаб ўтирган ҳолда кўрарди. Буни кўриб қизининг олдидан чиқиб жаҳл қилиб деворларни тепар, бақирар ва турли ичимликлар ичар эди. У ҳар доим “Нима учун, Худо, мени камбағал қилдинг, унинг устига қизимни ҳам шу аҳволга солдинг?” – деб нолиб юрарди.

Бир кун у ишга борди, у ерда бир дўстига шикоят қилди. Дўсти: “Эй биродар, қизлар бу Аллоҳнинг Жамол деган сифатининг сирларидан биридир, яъни Аллоҳ таоло қизларга Ўзининг Жамол сифатидан баъзи сирларни яшириб қўйган. Уни қидириб топиш керак, ҳаракат қилиш керак, қизингга яқин бўлиб, сирлардан фойдаланиб қол. Аллоҳ таоло бу дунёда сенга берган қиз фарзандингдаги сирини бир кун сенга ошкор қилади” дейди.

Бу гапдан кейин Томас ишдан чиқиб уйга қайтди. Ҳар доимгидек қизи йиғлаб ўтирар эди, одатда ота бу ҳолатдан кейин чиқиб жаҳл қилиб ҳамма нарсани уриб асабийлашар эди. Лекин бугун ундай қилмади ва қизини орқасига миндирганча хона бўйлаб юришни бошлади. Қиз йиғлашдан тўхтади, бу ҳолатдан Томас яна ҳам тезроқ юра кетди, қиз аста кула бошлади. Бироздан кейин қизча қўлларини қушнинг қаноти каби кўтариб қиқир-қиқир кула бошлади. Буни кўриб Томаснинг шавқи ошиб, анча йилдан бери маҳзун қалбида бахт деган нарсани ҳис қилди. Бундан маст бўлиб қизини кийинтириб кўчага олиб чиқди. Кунлар ўтиб бу одат тусига кирди.

Бир куни унинг қўшниси кўриб “Томас, анчадан буён ҳар куни югуриб юрганингни кузатаман. Йилда бир марта бўладиган Британия Қироличасининг ҳайрия марафонида қатнашиб кўрмайсанми?” – деб таклиф билдириб қолди. Томас ўйлаб кўришини айтди ва марафон бошланадиган куни иштирокчилар билан сафга турди. Томас ўшанда маррага учинчи бўлиб келган, лекин ҳамманинг назари унда эди. Чунки у елкасида опичиб олган ногирон қизи билан бошқалардан ажралиб турарди.

Шундан кейин ота ва қиз ҳар куни машқ қилишга тушишди, ҳаракат қилишди ва кейинги йилги марафонда маррага биринчи бўлиб келишди. Унга “Марафон ғолиби ва фарзандига энг яхши эътибор берувчи меҳрибон ота” сифатида қиролича томонидан тўққиз миллион доллар мукофот берилди.

Шу кундан бошлаб Томас Буюк Британиянинг милионерларидан бирига айланди. У пулининг бир қисмига ширкат очиб, пештоқига: “Қизлар – бу Аллоҳнинг Жамол деган сифатининг сирларидан биридир” ва "Унга ўзи ўйламаган тарафдан ризқ берур” деб ёзиб қўйди.

Каналимиздан узоклашманг

https://telegram.me/joinchat/CACwEUERDHP6Ikw7PyuNDw Buka / Bagaimana

2023-11-19 03:01:02 Ассалому алайкум!

Қуёшнинг нуридан ёришиб замин,
Зулматлар чекиниб, зиёга тўлсин.
Тонг сахар тилагим, эй биродарим,
Бошланган кунингиз хайрли бўлсин!

https://telegram.me/joinchat/CACwEUERDHP6Ikw7PyuNDw Buka / Bagaimana